ପୋଷ୍ୟ ହେଲେ ନିଜ ବାପା ମାଙ୍କ ସମ୍ପତ୍ତିରେ ଭାଗ ନାହିଁ , ହାଇକୋର୍ଟ ଦେଲେ ଏମିତି ରାୟ
ANGIKAR NEWS
ପୋଷ୍ୟ ସନ୍ତାନ ନିଜ ଜନ୍ମିତ ପରିବାରର ଅଂଶ ରହେ ନାହିଁ। ପରିବାରର ପୈତୃକ ସମ୍ପତ୍ତିରେ କୌଣସି ଅଧିକାର ନଥାଏ। ତେଲେଙ୍ଗାନା ହାଇକୋର୍ଟର ଏକ ପୂର୍ଣ୍ଣଖଣ୍ଡପୀଠ ଏଭଳି ଐତିହାସିକ ରାୟ ଦେଇଛନ୍ତି। ଜଷ୍ଟିସ ପି ନବୀନ ରାଓ, ଜଷ୍ଟିସ ବି ବିଜୟସେନ ରେଡ୍ଡୀ ଏବଂ ଜଷ୍ଟିସ ନାଗେଶ ଭୀମାପାକାଙ୍କୁ ନେଇ ଗଠିତ ଖଣ୍ଡପୀଠ ଜୁନ୍ ୨୭ରେ ଏକ ରାୟ ଦେଇଛନ୍ତି। ଏହି ରାୟରେ କହିଛନ୍ତି ଯେ ଯଦି ପୋଷ୍ୟ ସନ୍ତାନ ଗ୍ରହଣ ପୂର୍ବରୁ ସଂପତ୍ତି ଭାଗ ହୁଏ ଏବଂ ପୋଷ୍ୟ ସନ୍ତାନକୁ ସମ୍ପତ୍ତି ଆବଣ୍ଟନ କରାଯାଏ, ଏ କ୍ଷେତ୍ରରେ ସେ ସମ୍ପତ୍ତିକୁ ପୋଷ୍ୟ ପରିବାରକୁ ନେଇପାରିବେ। କିନ୍ତୁ ପୋଷ୍ୟ ହେବା ପରେ ନିଜ ମୂଳ ପରିବାରର କୌଣସି ସଂପତ୍ତିରେ ହକ୍ ରହିବ ନାହିଁ।
ଏହି ମାମଲାଟି ପ୍ରାୟ ୪୬ ବର୍ଷ ପୁରୁଣା । ୧୯୭୭ରେ ପାରିବାରିକ ସମ୍ପତ୍ତିର ବିଭାଜନ ଏବଂ ପୃଥକ ଅଧିକାର ପାଇଁ ସିଭିଲ କୋର୍ଟରେ ଏକ ମାମଲା ଦାୟର କରାଯାଇଥିଲା । ଅଭିଯୋଗକାରୀଙ୍କୁ ତାଙ୍କ ମାମୁ ପୋଷ୍ୟ ଭାବେ ଗ୍ରହଣ କରିଥିଲେ ଏବଂ ତାଙ୍କୁ ପୋଷ୍ୟ ସନ୍ତାନ ଗ୍ରହଣ କରିବା ବିଷୟରେ ଜାଣିବା ପରେ ସେ ତାଙ୍କ ଜନ୍ମ ପରିବାରର ସମ୍ପତ୍ତିରେ ଭାଗ ମାଗିବା ପାଇଁ ଏକ ମାମଲା ଦାୟର କରିଥିଲେ । ହାଇକୋର୍ଟର ପୂର୍ଣ୍ଣ ଖଣ୍ଡପୀଠ ହିନ୍ଦୁ ଆଇନ, ହିନ୍ଦୁ ଶାସ୍ତ୍ର ଓ ସୁପ୍ରିମକୋର୍ଟଙ୍କ କେତେକ ରାୟର ସମୀକ୍ଷା କରିବା ପରେ ନିଜର ରାୟ ଶୁଣାଇଥିଲେ ।
