୨୦୧୦ ରୁ ‘ଜାତିସଂଘ’ର ଅନୁମୋଦନ କ୍ରମେ, ଭାତରର ପୂର୍ବତନ ରାଷ୍ଟ୍ରପତି ଅବୁଲ ପକିର ଜୈନୁଲାଅବଦୀନ ଅବଦୁଲକାଲାମଙ୍କ ସମ୍ମାନର୍ଥେ ପ୍ରତି ବର୍ଷ ଅକ୍ଟୋବର ୧୫ ରେ ପାଳନ କରାଯାଉଛି ‘ବିଶ୍ୱ ବିଦ୍ୟାର୍ଥୀ ଦିବସ’ । ୧୯୩୧ ଅକ୍ଟୋବର ଏହି ଦିନରେ ତାମିଲନାଡୁ ଅନ୍ତର୍ଗତ ରାମେଶ୍ୱରମରେ ସେ ଜନ୍ମ ହୋଇଥିଲେ । ଶିକ୍ଷାଦାନ ଏହି ବିଶ୍ୱ ବିଖ୍ୟାତ ବିଜ୍ଞାନୀଙ୍କର ପ୍ରିୟ କାର୍ଯ୍ୟ ଥିଲା । ସେ ଚାହୁଁଥିଲେ ଜଣେ ଶିକ୍ଷକ ଭାବେ ଅନ୍ୟମାନେ ତାଙ୍କୁ ମନେ ରଖନ୍ତୁ । ସେ ବିଦ୍ୟାର୍ଥୀଙ୍କୁ ଭଲ ପାଉଥିଲେ ଏବଂ ଶିକ୍ଷାର ବିକାଶ ପାଇଁ କାର୍ଯ୍ୟ କରୁଥିଲେ । ତେଣୁ ତାଙ୍କ ଜନ୍ମ ଦିନକୁ ‘ବିଶ୍ୱ ବିଦ୍ୟାର୍ଥୀ ଦିବସ’ ଭାବେ ପାଳନ କରିବା ପାଇଁ ସ୍ଥିର କରାଯାଇଥିଲା । ଉଲ୍ଲେଖଯୋଗ୍ୟ ଯେ, ରାଷ୍ଟପ୍ରତି ପଦରୁ ଅବସର ନେବା ପରେ ସେ ଏକାଧିକ ଅଗ୍ରଣୀ ଶିକ୍ଷାନୁଷ୍ଠାନ (ଶିଲଂ, ଅହମ୍ମଦାବାଦ ଓ ଇନେ୍ଦାର ସ୍ଥିତ ଭାରତୀୟ ପ୍ରବନ୍ଧନ ସଂସ୍ଥାନ, ବେଙ୍ଗଲୁରୁସ୍ଥିତ ଭାରତୀୟ ବିଜ୍ଞାନ ସଂସ୍ଥାନ ଅନ୍ନା ବିଶ୍ୱବିଦ୍ୟାଳୟ, ବନାରସ ହିନ୍ଦୁ ବିଶ୍ୱ ବିଦ୍ୟାଳୟ, ହାଇଦ୍ରାବାଦସ୍ଥିତି ଅନ୍ତରାଷ୍ଟ୍ରୀୟ ସୂଚନା ଔଦ୍ୟୋଗିକୀ ସଂସ୍ଥାନ ଆଦି)ରେ ଶିକ୍ଷାଦାନ କରିଥିଲେ ।