କୁହାଯାଏ ସକାଳ ଭଲ ହେଲେ ଦିନସାରା ଭଲରେ କଟିଥାଏ । ତେବେ ସକାଳଟି ଶୁଭ ହେବା ପାଇଁ କିଛି ସ୍ୱତନ୍ତ୍ର ନୀତି ନିୟମ ଓ ପୂଜାବିଧି ରହିଛି । ତାହାକୁ ମାନି ଚଳିବା ଦ୍ୱାରା ଆଧ୍ୟାତ୍ମିକ ଦିଗରେ ଉନ୍ନତି ହେବା ସହ ନକାରାତ୍ମକତା ଦୂର ହୋଇଥାଏ... ସକାଳୁ ଉଠିବା ପରେ ପ୍ରଥମ କାମ ହେଉଛି ସ୍ନାନ । ସକାଳ ସ୍ନାନ ଦ୍ୱାରା ମନରେ ପବିତ୍ରତା ଆସିବା ସହ ସକାରାତ୍ମକ ଉର୍ଜା ସୃଷ୍ଟି ହୋଇଥାଏ । ପ୍ରତ୍ୟେକ ଦିନ କିଛି ନା କିଛି ଦାନ ଦେବା ଉଚିତ । ଶ୍ରଦ୍ଧାର ସହ ଦାନ କଲେ ଘରେ ସୁଖଶାନ୍ତି ବଜାୟ ରହେ । ସୁଖସମୃଦ୍ଧି ବୃଦ୍ଧି ହୁଏ । ପ୍ରତ୍ୟେକ ଦିନ ହୋମଯଜ୍ଞ କରିବା ପାଇଁ ଶାସ୍ତ୍ରରେ ଉଲ୍ଲେଖ ରହିଛି । କିନ୍ତୁ ଏହା ସମ୍ଭବ ନୁହେଁ । ତେଣୁ ପ୍ରତ୍ୟେକ ଦିନ ସକାଳେ ଘର ଠାକୁର ଓ ତୁଳସୀ ଚଉରାରେ ଦୀପ ପ୍ରଜ୍ଜ୍ୱଳନ କରନ୍ତୁ । ପୂଜା ସମୟରେ ଜପ କରିବା ଦ୍ୱାରା ମାନସିକ ଶାନ୍ତି ମିଳିଥାଏ । ତେଣୁ ବ୍ରାହ୍ମ ମୁହୂର୍ତ୍ତରେ ଜପ କରନ୍ତୁ । ସକାଳୁ ସ୍ନାନ ସାରି ପୂଜା ବିଧି ଅନୁଯାୟୀ ଠାକୁରଙ୍କୁ ଭୋଗ, ଧୂପ ଓ ଦୀପ ଅର୍ପଣ କରିବା ଦ୍ୱାରା ବିଭୁକୃପା ପ୍ରାପ୍ତ ହେବା ସହ ବିଭିନ୍ନ ପ୍ରକାର ସମସ୍ୟା ଦୂର ହୋଇଥାଏ ।