୧୯୧୫ ସମୟର ଦକ୍ଷିଣ ଆମେରିକାର ଏହି ଘଟଣାଟି ଖୁବ ଚର୍ଚ୍ଚିତ ହୋଇଥିଲା, ଦକ୍ଷିଣ କ୍ୟାରୋଲିନା ନିବାସୀ ଇସି ଡୁନବାର ହୃଦଘାତରେ ପ୍ରାଣ ହରାଇଲେ । ଶେଷ କୃତ୍ୟ ପାଇଁ ଇସିଙ୍କ ବଡ଼ ଭଉଣୀଙ୍କ ଆସିବା ପର୍ଯ୍ୟନ୍ତ ଅନ୍ୟ ପରିବାର ଲୋକ ଅପେକ୍ଷା କଲେ, କିନ୍ତୁ ଅଧିକ ବିଳମ୍ବ ହେବାରୁ ଯଥାରୀତି ଭାବେ ନିୟମ ଅନୁସାରେ କଫିନ ଦିଆଗଲା । ଏହି କାମର ୧୦ ମିନିଟ ପରେ ତାଙ୍କ ବଡ଼ ଭଉଣୀ ଆସି ପହଞ୍ଚିଲେ । ଉପସ୍ଥିତ ଲୋକ ଓ ପାଦ୍ରୀମାନଙ୍କୁ ସେ ବଡ଼ କାକୁତି ମିନତି ହେଲେ ଯେ ଶେଷ ଥର ପାଇଁ ସେ ନିଜ ସାନ ଭଉଣୀର ମୁହଁ ଦେଖିବାକୁ ଚାହୁଁଛନ୍ତି । ପାଦ୍ରୀମାନେ ବହୁ ଭାବିବା ପରେ ଏହି କାମ କରିବାକୁ ନିଷ୍ପତ୍ତି ନେଲେ କାରଣ ବଡ଼ ଭଉଣୀ କାନ୍ଦି କାନ୍ଦି ଅନୁରୋଧ କରୁଥାନ୍ତି । କଫିନ ବାହାର କରାଯାଇ ଖୋଲାଗଲା, ଇସିଙ୍କ ବଡ଼ ଭଉଣୀ ନିଓମି ସାନ ଭଉଣୀକୁ କୁଣ୍ଢାଇ କିଛି ସମୟ କାନ୍ଦିଲେ । ଉପସ୍ଥିତ ଲୋକ ଆଶ୍ଚର୍ଯ୍ୟ ହେବା ସହ ଚିକ୍ରାର କଲେ ଯେତେବେଳେ ଇସି ମଧ୍ୟ କାନ୍ଦିଲେ । ମରିବା ଲୋକଟେ କାନ୍ଦିଲା କିପରି, ଆଉ ବିଳମ୍ବ ନ କରି ପାଖରେ ଥିବା ଜଣେ ଡାକ୍ତରଙ୍କୁ ଘଟଣାସ୍ଥଳକୁ ଅଣାଗଲା । ଡାକ୍ତର ମଧ୍ୟ କହିଲେ ଇସି ଜୀବିତ ଅଛନ୍ତି କଫିନରେ ମୃତ ମହିଳା ଜଣକ ପୁଣି ଜୀବିତ ହେବା ସେ ସମୟର ବଡ଼ ଘଟଣାଥିଲା । ଏହି ଘଟଣା ପଛର ରହସ୍ୟ ବିଶେଷଜ୍ଞ ଦଳ ବାରମ୍ବାର ଅନୁସନ୍ଧାନ କରି ମଧ୍ୟ ଜାଣି ପାରିନଥିଲେ । ଇସିଙ୍କୁ ତାଙ୍କ ପ୍ରଥମ ହୃଦଘାତ ପରର ଅନୁଭୂତି ପଚରାଯିବା ସମୟରେ ସେ ମଧ୍ୟ କହିଥିଲେ ଏହା ପଛର ସତ ସେ କାହାକୁ କହିପାରିବେ ନାହିଁ ।