ତିମ୍ବକଟୁର ରାଜା ମନସା ମୂସା ଇତିହାସର ସବୁଠାରୁ ଧନୀ ବ୍ୟକ୍ତି ଥିଲେ । ବର୍ତ୍ତମାନ ତିମ୍ବକଟୁ ଆଫ୍ରିକାର ମାଲିର ଏକ ସହର ଅଟେ । କୁହାଯାଏ ମନସା ମୂସାଙ୍କର ଏତେ ଧନ ଥିଲା ଯେ, ଯାହା କଳ୍ପନା କରିବା ମଧ୍ୟ କଷ୍ଠସାଧ୍ୟ ଥିଲା । କୁହାଯାଏ ତାଙ୍କ ଶାସନ କାଳରେ ଏକ ବର୍ଷରେ ପ୍ରାୟ ୧୦୦୦ କିଲୋଗ୍ରାମ ସୁନା ଉପôାଦନ ହୋଇଥିଲା । ପ୍ରକୃତରେ ମନସା ମୂସାଙ୍କର ପ୍ରକୃତ ନାମ ଥିଲା ମୂସା କିଟା । କିନ୍ତୁ ରାଜା ହେବା ପରେ ତାଙ୍କୁ ମନସା କୁହାଯାଉଥିଲା । ମନସା ମୂସା ୧୩୧୨ ଖ୍ରୀଷ୍ଟଦ୍ଧରେ ମାଲି ସାମ୍ରାଜ୍ୟର ଶାସକ ହୋଇଥିଲେ । ପ୍ରାୟ ୨୫ ବର୍ଷର ଶାସନ କାଳରେ ସେ ଅନେକ ମସଜିଦ୍ ନିର୍ମାଣ କରିଥିଲେ । ମନସା ମୂସାଙ୍କ ସହିତ ଜଡିତ ଏକ କାହାଣୀ ସମଗ୍ର ବିଶ୍ୱରେ ପ୍ରସିଦ୍ଧ । କୁହାଯାଏ ୧୩୨୪ ଖ୍ରୀଷ୍ଟାଦ୍ଧରେ ମନସା ମୂସା ମକ୍କା ଯାତ୍ରା ଆରମ୍ଭ କରିଥିଲେ । ଏହି ସମୟରେ ତାଙ୍କ କନଭେନରେ ପ୍ରାୟ ୬୦ ହଜାର ଲୋକ ଅନ୍ତର୍ଭୁକ୍ତ ହୋଇଥିଲେ । ୧୨ହଜାର ଲୋକ କେବଳ ତାଙ୍କ ବ୍ୟକ୍ତିଗତ ଅନୁଗାମୀ ଥିଲେ । ଏହା ବ୍ୟତୀତ ତାଙ୍କ ଘୋଡା ଆଗରେ ୫୦୦ ଜଣିଆ ସ୍କ୍ୱାର୍ଡ ଥିଲେ ଓ ସମସ୍ତଙ୍କ ହାତରେ ସୁନା ବାଡି ଥିଲା । ଏବଂ ତାଙ୍କ କନଭେନରେ ୮୦ଟି ଓଟର ଏକ ବ୍ୟାଚ ମଧ୍ୟ ଥିଲା ଓ ପ୍ରତ୍ୟେକ ଓଟ ଉପରେ ୧୩୬ କିଲୋଗ୍ରାମ ସୁନା ଲୋଡ କରାଯାଇଥିଲା । ସେ ଅତ୍ୟନ୍ତ ଉଦାର ଥିଲେ । ଯେତେବେଳେ ସେ ମିଶରର ରାଜଧାନୀ କାଇରୋ ଦେଇ ଯାଇଥିଲେ ଗରିବ ଲୋକଙ୍କୁ ଏତେ ଦାନ କରିଥିଲେ ଯେ ସେ ଅଞ୍ଚଳରେ ବ୍ୟାପକ ମୁଦ୍ରାସ୍ଫୀତି ହୋଇଥିଲା ।
Powered by Froala Editor