ଭୁବନେଶ୍ୱର:ଷ୍ଟାଫ ସିଲେକ୍ସନ କମିଶନ ସଦସ୍ୟଙ୍କ ପିଏସ ବିରଞ୍ଚି ସାହୁଙ୍କ ଘରେ ରେଡ ଘଟଣାରେ ଏକ ବଡ଼ ଖବର ସାମନାକୁ ଆସିଛି । ରେଡ ବେଳେ ନଗଦ ୨୫ ଲକ୍ଷ ଟଙ୍କା ମିଳିଥିବା ଜଣାଯାଇଛି । ଶ୍ରୀ ସାହୁଙ୍କ ଘରୁ ୧୨ ଲକ୍ଷ ଟଙ୍କା ନଗଦ ମିଳିଥିବାବେଳେ ସକାଳେ ତାଙ୍କ ଶଳାଙ୍କ ଘରୁ ନଗଦ ୧୩ ଲକ୍ଷ ମିଳିଥିଲା ।
ପ୍ରକାଶ ଯେ, ଦୁର୍ନୀତି ବିରୋଧରେ ସରକାର ଜିରୋ ଟୋଲେରାନ୍ସ ନୀତି ଆପଣାଉଥିବାବେଳେ ସରକାରୀ କର୍ମଚାରୀ କିନ୍ତୁ ମାନିବାକୁ ନାରାଜ । ଅସାଧୁ ଉପାୟରେ ଟଙ୍କା ଆୟ କରିବା ଯେମିତି ସରକାରୀ କର୍ମଚାରୀଙ୍କ ନିଶା ପାଲଟିଯାଇଛି । ତେବେ ଏହାରି ଭିତରେ ଭିଜିଲାନ୍ସ ଜାଲରେ ଦୁର୍ନୀତିଗ୍ରସ୍ତ ସରକାରୀ କର୍ମଚାରୀ ରୂପୀ ଏକ ବଡ଼ ମାଛ ପଡିଛି । ଷ୍ଟାଫ ସିଲେକ୍ସନ କମିଶନ ସଦସ୍ୟଙ୍କ ପିଏସ ଘରେ ଭିଜିଲାନ୍ସ ଚଢଉ କରାଯାଇଛି । ଷ୍ଟାଫ ସିଲେକ୍ସନ କମିଶନ ସଦସ୍ୟଙ୍କ ପିଏସ ବିରଞ୍ଚି ସାହୁଙ୍କ ଘରେ ରେଡ କରାଯାଇଛି । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ୬ଟି ସ୍ଥାନରେ ଚଢଉ କରାଯାଇଛି । ଏହି ଚଢଉରେ ଭିଜିଲାନ୍ସ ଏସପି, ୪ଜଣ ଡିଏସପି ଓ ୧୩ ଜଣ ଇନସ୍ପେକ୍ଟର ସାମିଲ ଅଛନ୍ତି । ୨ଟି ଦୁଇ ମହଲା କୋଠା ଓ ୯ଟି ଜମି ଠାବ କରାଯାଇଥିବା ସୂଚନା ମିଳିଛି । ପିଏସ ବିରଞ୍ଚି ସାହୁଙ୍କ ଶଳା ଘରୁ ନଗଦ ୧୩ ଲକ୍ଷ ଟଙ୍କା ମଧ୍ୟ ଠାବ କରାଯାଇଛି । ପିଏସଙ୍କ ଘରୁ ମଧ୍ୟ ବିପୁଳ ଟଙ୍କା ଠାବ କରାଯାଇଥିବା ସୂଚନା ମିଳିଛି । ୨ଥର ବିଦେଶ ଗସ୍ତ ଡକୁ୍ୟମେଣ୍ଟ ଓ ଘରୁ ବିଦେଶୀ ନୋଟ ବିଡ଼ା ଜବତ କରାଯାଇଛି ।
Powered by Froala Editor