ପୁରୀ: ଚିଲିକା କୂଳରୁ ଉଦ୍ଧାର ହୋଇଛି ଯୁବକଙ୍କ ରକ୍ତାକ୍ତ ଶବ। କେହି ଦୁର୍ବୃତ୍ତ ତାଙ୍କୁ ହତ୍ୟା କରିଛି। ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଲକ୍ ଅନ୍ତର୍ଗତ ସାହାବାଜପୁର ଗାଁ ଚିଲିକା କୂଳରେ ପଡ଼ିଥିଲା ଯୁବକଙ୍କ ମୃତଦେହ। ରକ୍ତାକ୍ତ ଅବସ୍ଥାରେ କରାଯାଇଛି ଉଦ୍ଧାର। ମୃତ ଯୁବକ ଜଣଙ୍କ ହେଲେ ମଲେଶ୍ୱରୀ ଗାଁର ରାମ ଦୋରା। ରାମଙ୍କୁ କେହି ଦୁର୍ବୃତ୍ତ ଗଳାକାଟି ହତ୍ୟା କରିଥିବା ପରିବାର ଲୋକେ ଅଭିଯୋଗ କରିଛନ୍ତି।ଇୟଗ୍ଦ ଭଚ୍ଚ
ଆଜି ସକାଳେ ରାମଙ୍କ ମୃତଦେହ ଚିଲିକା କୂଳରେ ପଡ଼ିଥିବା ସ୍ଥାନୀୟ ଲୋକେ ଦେଖିଥିଲେ। ଏନେଇ ପୁଲିସକୁ ଖବର ଦେଇଥିଲେ। ପୁଲିସ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ଓ ଘଟଣାର ତଦନ୍ତ କରୁଛି। ରାମଙ୍କୁ କିଏ ଓ କାହିଁକି ହତ୍ୟା କଲା ତାର କାରଣ ଜଣାପଡ଼ି ନାହିଁ।
Powered by Froala Editor