ପୁରୀ: ଗତକାଲି ଶେଷ ହୋଇଛି ରଥଯାତ୍ରା । ଆଜି ଆଡ଼ପ ମଣ୍ଡପକୁ ପହଣ୍ଡି ହେବ । ଏନେଇ ପୁରୀରେ ମାଳ ମାଳ ପୁଲିସ । ତେବେ ଏହାରି ଭିତରେ ଏକ ବଡ଼ ଖବର ସାମନାକୁ ଆସିଛି । କାରଣ ପୁଲିସ ସୁରକ୍ଷାକୁ ଖାତିର ନକରି କୌଣସି ଦୁର୍ବୃତ୍ତ ପୁରୀ ଗୁଣ୍ଡିଚା ମନ୍ଦିର ରୋଷଘର ଚୁଲି ଭାଙ୍ଗି ଦେଇଥିବା ଜଣାଯାଇଛି ।
୨୦ରୁ ଅଧିକ ଚୁଲିକୁ ଦୁର୍ବୃତ୍ତ ଭାଙ୍ଗି ଦେଇଥିବା ଜଣାଯାଇଛି । ଗତକାଲି ରାତିରେ ରୋଷ ଘରେ ପଶି କେହି ଚୁଲି ଭାଙ୍ଗିଥିବା ଆଶଙ୍କା କରାଯାଉଛି । ଆଡ଼ପ ଅବଢା ରନ୍ଧା ପାଇଁ ଉକ୍ତ ଚୁଲି ପ୍ରସ୍ତୁତ ହୋଇଥିଲା । ଚୁଲି ଭଙ୍ଗା ନେଇ ସୁଆର ମହାସୁଆର ନିଯୋଗ ସଭାପତି ସୂଚନା ଦେଇଛନ୍ତି । ମୋଟ ୭୫୨ଟି ଚୁଲି ମଧ୍ୟରୁ ୨୦ଟି ଚୁଲି ଭଙ୍ଗା ଯାଇଛି । ତେବେ ଚୁଲି ଭଙ୍ଗା ଖବର ସାମନାକୁ ଆସିବା ପରେ ତନାଘନା ଆରମ୍ଭ ହୋଇଛି । ପୂର୍ବରୁ ମଧ୍ୟ ଶ୍ରୀମନ୍ଦିରରେ ଚୁଲି ଭଙ୍ଗା ଯାଇଥିଲା । ଆଉ ତଦନ୍ତ ପରେ ଅଭିଯୁକ୍ତକୁ ବି ଗିରଫ କରାଯାଇଥିଲା ।
Powered by Froala Editor