ବ୍ରିଟେନରେ ୧୦୦ ବର୍ଷ ବୟସରେ ପାଦ ଥାପୁଥିବା ବ୍ୟକ୍ତିଙ୍କୁ ରାଣୀ ଏଲିଜାବେଥ ୨ୟ ଅଭିନନ୍ଦନ ବାର୍ତ୍ତା ପଠାଇଥାନ୍ତି । ଏହା ପରେ ପ୍ରତି ବର୍ଷ ଜନ୍ମ ଦିନର ଶୁଭେଚ୍ଛା ର ବାର୍ତ୍ତା ଟେଲିଗ୍ରାମ ରାଣୀଙ୍କ ପକ୍ଷରୁ ଆସିଥାଏ । ତେବେ ଗତ ୮ ତାରିଖରେ ରାଣୀ ଏଲିଜାବେଥ ୨ୟଙ୍କ ପରଲୋକ ହେବା ପରେ ୧୦୦ ବର୍ଷ ବୟସରେ ପାଦ ଥାପିଥିବା ଗ୍ୱେନଡୋଲିନ ହୋର ରାଣୀଙ୍କ ତରଫରୁ ନିଜର ୧୦୦ତମ ଜନ୍ମଦିନ ଶୁଭେଚ୍ଛା କାର୍ଡ ପାଇବାର ଆଶା ଛାଡିଦେଲେ । କିନ୍ତୁ ଆଶ୍ଚର୍ଯ୍ୟର କଥା ,ତାଙ୍କୁ ୧୦୦ତମ ଜନ୍ମଦିନ ର ଦିନକ ପୂର୍ବରୁ ଗତ ଶୁକ୍ରବାର ଗ୍ୱେନଡୋଲିଙ୍କ ପାଖକୁ ରାଣୀଙ୍କ ତରଫରୁ ଡାକ ଯୋଗେ ଏକ ଶୁଭେଚ୍ଛା କାର୍ଡ ପହଞ୍ଚôଲା । ଏହା ତାଙ୍କ ପାଇଁ ସବୁଠୁ ବଡ ସରପ୍ରାଇଜ ଥିଲା। ରାଣୀଙ୍କ ତରଫରୁ ମିଳିଥିବା ସରପ୍ରାଇଜ ଟେଲିଗ୍ରାମ ଦେଖିବା ପରେ ସେ ଭାବ ବିହ୍ୱଳ ହୋଇପଡିଥିଲେ ।
ଆଶା ପୂରଣ ହେବାର ଖୁସି ଓ ରାଣୀଙ୍କୁ ହରାଇବାର ଦୁଃଖ ରେ ସେ କାନ୍ଦି ପକାଇଲେ । ଗତ ଦଶନ୍ଧି ଧରି ଗ୍ୱେନଡୋଲି ନିଜର ୧୦୦ ବର୍ଷର ଜନ୍ମଦିନକୁ ନେଇ ବହୁତ ଉସôାହିତ ଥିଲେ । ରାଣୀଙ୍କ ତରଫରୁ ଟେଲିଗ୍ରାମ ଆସିବା ବିଷୟରେ ସେ ଅନେକ ସମୟରେ ଚର୍ଚ୍ଚା କରୁଥିଲେ । କିନ୍ତୁ ରାଣୀଙ୍କ ପରଲୋକ ଖବର ଶୁଣିବା ପରେ ସେ ଭାଙ୍ଗି ପଡିଥିଲେ । ଜନ୍ମ ଦିନରେ ଟେଲିଗୋମ ପାଇବାର ଆଶା ତାଙ୍କର ମଉଲି ଯାାଇଥିଲା । କିନ୍ତୁ ଯେତେବେଳେ ତାଙ୍କ ପାଖକୁ ରାଣୀଙ୍କ ଟେଲିଗ୍ରାମ ଆସିଲା , ସେ ନିଜକୁ ସମ୍ଭାଳି ପାରିନଥିଲେ । ଏହି ମୁହୂର୍ତ୍ତ ତାଙ୍କ ପାଇଁ ସ୍ମରଣୀୟ ବୋଲି ଗ୍ୱେନଡୋଲିନ୍ଙ୍କ ଝିଆରୀ ଗଣମାଧ୍ୟମକୁ କହିଛନ୍ତି ।
Powered by Froala Editor