ୱାୟନାଡରେ ହାହାକାର
ୱାୟନାଡରେ ହାହାକାର
ANGIKAR NEWS
8117
କେରଳ ୱାୟନାଡରେ ହାହାକାର । ଧ୍ବଂସସ୍ତୂପ ତଳୁ ବାହାରିବାରେ ଲାଗିଛି ଗୋଟିଏ ପରେ ଗୋଟିଏ ମୃତଦେହ। ମୃତ୍ଯୁ ସଂଖ୍ଯା ଟପିଛି ୨୭୦ ପାର । ଏବେବି 250 ରୁ ଅଧିକ ନିଖୋଜ । ଆହୁରି ଅନେକ ଶବ ପୋତି ରହିଥିବା ଆଶଙ୍କା କରାଯାଉଛି । ଶତାଧିକ ନିଖୋଜଙ୍କ ସନ୍ଧାନରେ ନିୟୋଜିତ ତିନିବାହିନୀ ଓ ଏନଡିଆରଏଫ ଯବାନ । ଯୁଦ୍ଧକାଳୀନ ଭିତ୍ତିରେ ଚାଲିଛି ଉଦ୍ଧାର କାର୍ଯ୍ୟ । ୱାୟନାଡର ମୁନ୍ଦାକାଇ, ଚୋରଲମାଲା, ଅଟ୍ଟମାଲା ଓ ନୁଲପୁଝା ଗ୍ରାମ ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି ।
ଅନ୍ୟପଟେ ପ୍ରିୟଜନଙ୍କୁ ହରାଇ ଦୁଃଖରେ ଭାଙ୍ଗିପଡିଛନ୍ତି ପରିବାର । ହଜାର ହଜାର ଲୋକ ହୋଇପଡିଛନ୍ତି ବେସାହାରା। ବିପନ୍ନଙ୍କ ଲାଗି ବଢିଛି ସହାୟତାର ହାତ । ସେପଟେ ୱାୟନାଡ ଗସ୍ତରେ ଯାଇଛନ୍ତି ବିରୋଧୀ ଦଳ ନେତା ରାହୁଲ ଗାନ୍ଧି ଓ କଂଗ୍ରେସ ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧି ।
