ଆଜିଠୁ ସାରା ଦେଶରେ ଖୋଲିବ ଦୋକାନ

Apr 25, 2020 - 05:26 Updated: Apr 25, 2020 - 05:26

6090

ଆଜିଠୁ ସାରା ଦେଶରେ ଦୋକାନ ଖୋଲିବା ପାଇଁ ଅନୁମତି ଦିଆଯାଇଛି । କେନ୍ଦ୍ର ଗୃହ ମନ୍ତ୍ରାଳୟ ଦୋକାନ ଖୋଲିବା ନେଇ ସର୍ତ୍ତମୂଳକ ଅନୁମତି ପ୍ରଦାନ କରିଛି। ଆବାସିକ ଓ ମାର୍କେଟ କମ୍ପ୍ଲେକ୍ସ ମଧ୍ୟରେ ଥିବା ଦୋକାନ ଗୁଡ଼ିକୁ ଖୋଲିବାକୁ କେନ୍ଦ୍ର ଗୃହ ମନ୍ତ୍ରାଳୟ ପକ୍ଷରୁ ଏହି ଅନୁମତି ପ୍ରଦାନ କରାଯାଇଛି। ତେବେ ଓଡ଼ିଶାରେ ଦୋକାନ ଖୋଲିବାକୁ ନେଇ ପୁଲିସ୍‌ କମିଶନର ସୁଧାଂଶୁ ଷଡଙ୍ଗୀ ପ୍ରତିକ୍ରିୟା ରଖିଛନ୍ତି । ସ୍ଥାନୀୟ ପରିସ୍ଥିତି ଏବଂ ଆବଶ୍ୟକତାକୁ ଦେଖିବା ପରେ ଦୋକାନ ଖୋଲିବା ଉପରେ ନିଷ୍ପତ୍ତି ନିଆଯିବ ବୋଲି ଟୁଇଟ୍‌ କରିଛନ୍ତି। ରାଜ୍ୟସରକାରଙ୍କ ନିଷ୍ପତ୍ତି ନ ଆସିବା ଯାଏଁ ଦୋକାନ ବନ୍ଦ ରହିବ ବୋଲି ସୂଚନା ଦେଇଛନ୍ତି ପୋଲିସ୍‌ କମିଶନର । ତେବେ ଏହି ଖୋଲିବା ପାଇଁ କିଛି ସର୍ତ୍ତ ମଧ୍ୟ ରଖାଯାଇଛି। ସପ୍‌ ଆଣ୍ଡ୍‌ ଏଷ୍ଟାବ୍ଲିଶ୍‌ମେଣ୍ଟ ଆକ୍ଟରେ ପଞ୍ଜୀକୃତ ଦୋକାନ ଖୋଲିବ। ପୌରାଞ୍ଚଳରେ ଥିବା ମାର୍କେଟ୍‌ କମ୍ପ୍ଲେକ୍ସରେ ଖୋଲିବନି ଦୋକାନ। କେବଳ ଆବାସିକ ଅଞ୍ଚଳ ଓ ମାର୍କେଟ୍‌ କମ୍ପେକ୍ସରେ ଥିବା ପଞ୍ଜିକୃତ ଦୋକାନଗୁଡିକ ଖୋଲାଯିବ ବୋଲି ସୂଚନା ରହିଛି । ତେବେ ମଲ୍‌, ସପିଂ ମଲ୍‌ ଖୋଲା ଯାଇ ପାରିବ ନାହିଁ । ଖୋଲିବାକୁ ଥିବା ସମସ୍ତ ଦୋକାନଗୁଡିକ ସାମାଜିକ ଦୂରତ୍ବକୁ ମାନିବା ସହିତ ଦୋକାନରେ 50 ପ୍ରତିଶତ କର୍ମଚାରୀ ରଖିବା ଓ ମାସ୍କ ପିନ୍ଧିବାକୁ ବାଧ୍ୟତାମୂଳକ କରାଯାଇଛି ।