ଓଲଟିଲା ମା' ସମଲେଇ ବସ୍

Mar 22, 2022 - 09:54 Updated: Mar 22, 2022 - 09:54

6499

ଢେଙ୍କାନାଳ: ଢେଙ୍କାନାଳରେ ଓଲଟିଲା ମା' ସମଲେଇ ବସ୍ । ବଣସିଂହ ନିକଟସ୍ଥ ପାଟରାଣୀ ନିକଟରେ ମାଆ ସମଲେଇ ବସଟି ଭାରସାମ୍ୟ ହରାଇ ଓଲଟି ପଡିଛି । ବସରେ ୪୦ରୁ ଅଧିକ ଯାତ୍ରୀ ରହିଥିଲେ । ବସ ଓଲଟି ୨୦ରୁ ଅଧିକ ଯାତ୍ରୀ ଆହତ ହୋଇଥିବା ସୂଚନା ମିଳିଛି ।

ସୂଚନା ଅନୁସାରେ ଢେଙ୍କାନାଳରୁ ୪୦ରୁ ଅଧିକ ଯାତ୍ରୀ ନେଇ ବସଟି ବଣସିଂହ ଅଭିମୁଖେ ଯାଉଥିଲା । ବସରେ ଆବଶ୍ୟକତାଠୁ ଅଧିକ ଯାତ୍ରୀ ଥିବାରୁ ବସଟି ଭାରସାମ୍ୟ ହରାଇ ଦିନ ୧ଟା ସମୟରେ ଓଲଟି ପଡିଥିବା କୁହାଯାଉଛି । ଆହତ ହୋଇଥିବା ଲୋକମାନଙ୍କୁ ସେଠାରୁ ଉଦ୍ଧାର କରାଯାଇ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି। ଦୁଇ ଜଣ ଗୁରୁତର ଆହତଙ୍କୁ ପ୍ରାଥମିକ ଚିକିତ୍ସା ପରେ କଟକ ସ୍ଥାନାନ୍ତର କରାଯାଇଛି ବୋଲି ସୂଚନା ମିଳିଛି ।