ଫେରିବେ ଅଜିତ: ସଞ୍ଜୟ ରାଉତ

Nov 23, 2019 - 09:05 Updated: Nov 23, 2019 - 09:05

2326

ଭୁବନେଶ୍ୱର: ମହାରାଷ୍ଟ୍ର ରାଜନୀତିରେ ଘଡ଼ିକେ ଘୋଡ଼ା ଛୁଟୁଛି । ମୁମ୍ବାଇରେ ଶରଦ ପାୱାର-ଉଦ୍ଧବ ଠାକରେଙ୍କ ପକ୍ଷରୁ ଆୟୋଜିତ ଏକ ମିଳିତ ସାମ୍ବାଦିକ ସମ୍ମିଳନୀରେ ପୁଣି ଟୁଇଷ୍ଟ ଆଣିଲେ ସଞ୍ଜୟ ରାଉତ । ଶିବସେନ ମୁଖପାତ୍ର ଶ୍ରୀ ରାଉତ କହିଛନ୍ତି ଯେ, ଏନସିପି ନେତା ଅଜିତ ପାୱାରଙ୍କୁ ବ୍ଲାକମେଲ କରାଯାଇ ସାମିଲ କରାଯାଇଛି । ବ୍ଲକମେଲ ପଛରେ କିଏ ଅଛି ତାହା ଖୁବଶୀଘ୍ର ସାମ୍ନାକୁ ଆସିବ । ଆଜିତ ପାୱାର ମଧ୍ୟ ପୁଣି ଫେରି ଆସିବେ ବୋଲି ଶ୍ରୀ ରାଉତ କହିଛନ୍ତି । ପୂର୍ବରୁ ଶ୍ରୀ ରାଉତ ବିଷୋଦଗାର କରି କହିଥିଲେ ଯେ, ଅଜିତ ପାୱାର ଶରଦ ପାୱାରଙ୍କୁ ଧୋକା ଦେଇଛନ୍ତି। ତାଙ୍କୁ ଏବେ ରାଜ୍ୟର ଜନତା ଜବାବ ଦେବେ। ସେ ଜୀବନ ସାରା ଅନୁତାପ କରିବେ। କାଲି ରାତ୍ରୀ ୯ଟା ଯାଏଁ ଏହି ମହାଶୟ ଆମ ସହ ବୈଠକରେ ଥିଲେ। କିନ୍ତୁ ପରେ ସେ ସେଠାରୁ ଗାଏବ ହୋଇଯାଇଥିଲେ। ସେ ଆମ ସହ ଆଖି ମିଶାଇ କଥା ହେଉ ନଥିଲେ। ଯେଉଁ ବ୍ୟକ୍ତି ପାପ କରିବାକୁ ଯାଏ ସେ ସବୁବେଳେ ନଜର ଲୁଚାଏ। ସେବେଠାରୁ ଆମକୁ ସନ୍ଦେହ ହୋଇଥିଲା।