୧୦ ଦିନରେ ୯୭ ଲାଇସେନ୍ସ ବାତିଲ, ଅନ୍ୟକୁ ଗାଡ଼ି ଦେଇ ଫସୁଛନ୍ତି ମାଲିକ

Dec 3, 2020 - 09:24 Updated: Dec 3, 2020 - 09:24

4927

୧୦ ଦିନରେ ୯୭ ଲାଇସେନ୍ସ ବାତିଲ, ଅନ୍ୟକୁ ଗାଡ଼ି ଦେଇ ଫସୁଛନ୍ତି ମାଲିକ

ଭୁବନେଶ୍ୱର: ବିନା ହେଲମେଟରେ ଗାଡ଼ି ଚଳାଉଥିବା ବ୍ୟକ୍ତିଙ୍କ ଡ୍ରାଇଭିଂ ଲାଇସେନ୍ସ ବାତିଲ କରିବା ଯୋଜନାକୁ ରାଜଧାନୀରେ କଡ଼ାକଡ଼ି କରାଯାଇଛି । ଗତ ୧୦ ଦିନ ଭିତରେ ଏହି କାରଣଣୁ ୯୭ ଜଣଙ୍କର ଡ୍ରାଇଭିଂ ଲାଇସେନ୍ସ ବାତିଲ କରାଯାଇଛି । ଆରଟିଓରେ-୧ ରେ ୧୩ଟି ଲାଇସେନ୍ସ ବାତିଲ ହୋଇଥିବା ବେଳେ ଆରଟିଓ ୨ ରେ ୮୪ ଲାଇସେନ୍ସ ବାତିଲ ହୋଇଛି । ସେହିଭଳି ଉଭୟ ଆରଟିଓରେ ୫୦ ରୁ ଊଦ୍ଧ୍ୱର୍ ମାମଲା ବିଚାରାଧୀନ ଅଛି । ସେହି ୫୦ ଲାଇସେନ୍ସ ମଧ୍ୟରୁ ଅର୍ଦ୍ଧାଧିକ ଖାରଜ ହେବ ବୋଲି ସୂଚନା ମିଳିଛି । ତେବେ ଏହି ଧରପଗଡ଼ ଓ ଡ୍ରାଇଭିଂ ଲାଇସେନ୍ସ ଖାରଜ ପ୍ରକି୍ରୟା ଯୋଗୁଁ ଏକ ରୋଚକ ତଥ୍ୟ ପଦାକୁ ଆସିଛି । ଅନ୍ୟ ଲୋକକୁ ଗାଡ଼ି ଦେଇ ମୂଳ ଗାଡ଼ି ମାଲିକ ଫସୁଛନ୍ତି । ଗାଡ଼ି ନମ୍ବର ଆଧାରରେ ଚାଲାଣ କଟାଯାଉଥିବାରୁ ଗାଡ଼ି ମାଲିକ ନାଁରେ ହିଁ ମାମଲା ହେଉଛି । ଫଳରେ ଗାଡ଼ି ମାଲିକର ଡ୍ରାଇଭିଂ ଲାଇସେନ୍ସ ବାତିଲ ହୋଇଯାଉଛି । ଅଥଚ ବିନା ହେଲମେଟରେ ଚଳାଉଥିବା ବ୍ୟକ୍ତି ଖସି ଯାଉଛି । ତା’ଲାଇସେନ୍ସ ବାତିଲ ହେଉନାହିଁ । ବହୁ ସମୟରେ ଯାଞ୍ଚ କରୁଥିବା ଟିମ ବିନା ହେଲମେଟରେ ଗାଡ଼ି ଚାଳକକୁ ଧରିବାରେ ସକ୍ଷମ ହେଉନାହିଁ । ସେ କ୍ଷେତ୍ରରେ ସେମାନେ ଗାଡ଼ି ନମ୍ବର ଆଧାରରେ ଚାଲାଣ ପଠାଉଛନ୍ତି ।