ଘୁଙ୍ଗୁଡ଼ି ସମସ୍ୟା ନେଇ ଚିନ୍ତିତ ଅଛନ୍ତି, ଆପଣାନ୍ତୁ ଏହି ଘରୋଇ ଉପାୟ
ଘୁଙ୍ଗୁଡ଼ି ସମସ୍ୟା ନେଇ ଚିନ୍ତିତ ଅଛନ୍ତି, ଆପଣାନ୍ତୁ ଏହି ଘରୋଇ ଉପାୟ
admin
5101
ସାଧାରଣତଃ ଶରୀର ଥକି ଗଲେ ରାତିରେ ଘୁଙ୍ଗୁଡ଼ି ଆସେ । ନହେଲେ ନିଶ୍ୱାସ ପ୍ରଶ୍ୱାସ ନେବାରେ ଅସୁବିଧା ହେଉଥିଲେ ରାତିରେ ଘୁଙ୍ଗୁଡ଼ି ଆସେ । ଆମ ଗଳାର ପଛପଟ ଅଂଶ ଅଣଓସାରିଆ ଥିଲେ ଅମ୍ଳଜାନ ଶରୀର ଭିତରକୁ ଠିକ୍ରେ ପ୍ରବେଶ କରିପାରେ ନାହିଁ । ଫଳରେ ଶରୀରର ଆଖପାଖ ଟିସୁ ଥରିବାରେ ଲାଗେ । ଫଳରେ ଘୁଙ୍ଗୁଡ଼ି ଆସେ । ଆମେ ସିନା ଘୁଙ୍ଗୁଡ଼ି ମାରି ଆରାମରେ ଶୋଇଯାଉ କିନ୍ତୁ ଆମ ପାଖରେ ଶୋଉଥିବା ଲୋକ ପାଇଁ ଅସୁବିଧା ହୋଇଥାଏ । ପାଖରେ ଶୋଉଥିବା ଲୋକଟି ରାତିସାରା ଅନିଦ୍ରା ରୁହେ । ତେବେ ଆପଣଙ୍କ ଠାରେ ଏହି ଘୁଙ୍ଗୁଡ଼ି ସମସ୍ୟା ଥିଲେ ଆପଣ ବ୍ୟସ୍ତ ହୁଅନ୍ତୁ ନାହିଁ । କିଛି ଘରୋଇ ଉପାୟ ଆପଣାଇଲେ ଏହି ଘୁଙ୍ଗୁଡ଼ି ସମସ୍ୟା ସମାଧାନ ହୋଇପାରିବ । ତେବେ ଜାଣିବା ଘୁଙ୍ଗୁଡ଼ିର ଘରୋଇ ଉପଚାର ।
ପିପରମେଣ୍ଟ ଅଏଲ : ପିପରମେଣ୍ଟ ଅଏଲ ଘୁଙ୍ଗୁଡ଼ିରେ ଲାଭଦାୟକ ହୋଇଥାଏ । ଆପଣ ଦୁଇରୁ ତିନି ବୁନ୍ଦା ପିପରମେଣ୍ଟ ଅଏଲକୁ ହାତରେ ନେଇ ପ୍ରତିଦିନ ସୁଙ୍ଗନ୍ତୁ । ନହେଲେ ଗରମ ପାଣିରେ ପିପରମେଣ୍ଟ ଅଏଲର କିଛି ବୁନ୍ଦା ପକାଇ ତାହାର ବାମ୍ଫ ନେଇ ପାରିବେ । ଏପରି କଲେ ନାକର ନଳୀ ଖୋଲିଯାଏ । ଫଳରେ ଘୁଙ୍ଗୁଡ଼ି ଆସେ ନାହିଁ ।
ଭିଟାମିନ ସି ଟାବଲେଟ : ଭିଟାମିନ ସି ସେବନ କରିବା ଦ୍ୱାରା ଇମୁ୍ୟନିଟି ସିଷ୍ଟମ ମଜବୁତ ହୋଇଥାଏ । ଯଦି ଆପଣ ବେଳେ ବେଳେ ଘୁଙ୍ଗୁଡ଼ି ମାରୁଛନ୍ତି ତେବେ ଆପଣ ମାସେ ପର୍ଯ୍ୟନ୍ତ ଭିଟାମିନ ସି ଟାବଲେଟ ସେବନ କରନ୍ତୁ । ଦେଖିବେ କିଛି ଦିନରେ ଘୁଙ୍ଗୁଡ଼ି ସମସ୍ୟା ଦୂର ହୋଇଯିବ । ଏହାଛଡ଼ା ଆପଣ ଭିଟାମିନ ସି ଯୁକ୍ତ ଫଳ ଓ ପରିବା ମଧ୍ୟ ଖାଇପାରିବେ ।
ମେଥି ପାଉଡର : ମେଥିରେ ଆଣ୍ଟିଅକ୍ସିଡେଣ୍ଟ ଓ ଆଣ୍ଟିବାୟରଲ ଗୁଣ ରହିଛି । ଏହା ଘୁଙ୍ଗୁଡ଼ିକୁ ଠିକ କରିବା ସହିତ ପେଟକୁ ମଧ୍ୟ ସଫା କରିଥାଏ । ଯଦି ଆପଣଙ୍କ ପାଚନ ତନ୍ତ୍ର ମଜବୁତ ଅଛି ତେବେ ଆପଣଙ୍କ ଠାରେ କେବେବି ଘୁଙ୍ଗୁଡ଼ି ସମସ୍ୟା ଦେଖାଯିବ ନାହିଁ । ପ୍ରତିଦିନ ରାତିରେ ଶୋଇବା ପୂର୍ବରୁ ଅଧା ଚାମଚ ମେଥି ପାଉଡ଼ର ନଖ ଉଷୁମ ଗରମ ପାଣିରେ ପିଅନ୍ତୁ । ଦେଖିବେ ଆପଣଙ୍କ ଘୁଙ୍ଗୁଡ଼ି ସମସ୍ୟା ଆଉ ରହିବ ନାହିଁ ।
ପୁଦିନା ପତ୍ର : ଯଦି ଆପଣ ପ୍ରତିଦିନ ଘୁଙ୍ଗୁଡ଼ି ମାରୁଛନ୍ତି । ତେବେ ପାଣିରେ ପୁଦିନା ତେଲର କିଛି ବୁନ୍ଦା ପକାଇ ତାହାକୁ ଭଲ ଭାବରେ ମିଶାଇ ଦିଅନ୍ତୁ । ତାହାକୁ ଶୋଇବା ପୂର୍ବରୁ ପ୍ରତିଦିନ ସୁଙ୍ଗନ୍ତୁ । ଏପରି କରିବା ଦ୍ୱାରା ନାକର ସୁଜନ କମ ହେବ । ଫଳରେ ଆପଣ ସହଜରେ ନିଶ୍ୱାସ ନେଇପାରିବେ ।
ଗୁଜୁରାତି ଗୁଣ୍ଡ : ଗୁଜୁରାତି ଗୁଣ୍ଡ ସମସ୍ତ ଆୟୁର୍ବେଦିକ ଔଷଧ ପ୍ରସ୍ତୁତି କରିବାରେ ବ୍ୟବହାର କରାଯାଏ । ଏପରିସ୍ଥଳରେ ଶୋଇବା ପୂର୍ବରୁ ନଖ ଉଷୁମ ଗରମ ପାଣିରେ ଗୁଜୁରାତି ଗୁଣ୍ଡ ସେବନ କରନ୍ତୁ । ଦେଖିବେ ଆପଣଙ୍କ ଘୁଙ୍ଗୁଡ଼ି ସମସ୍ୟା ଦୂର ହେବ ।
