ତେଲେଙ୍ଗାନା ଇଟା ଭାଟିରେ ବନ୍ଧା ପଡିଛନ୍ତି ୩୫ ଓଡିଆ ଶ୍ରମିକ ।
ତେଲେଙ୍ଗାନା ଇଟା ଭାଟିରେ ବନ୍ଧା ପଡିଛନ୍ତି ୩୫ ଓଡିଆ ଶ୍ରମିକ ।
admin
4920
ସରକାର ଯୋଜନା ଉପରେ ଯୋଜନା କରୁଛନ୍ତି, ହେଲେ ତାହା କେବଳ ସହରର ସେଇ ଫାଇଲ ଆଉ ପ୍ରଚାରରେ ହିଁ ରହିଯାଉଛି । ଫାଇଲ ଭିତରେ ବନ୍ଧା ହୋଇ ରହିଛି ଶ୍ରମିକ କଲ୍ୟାଣ । ଯୋଜନା ପହଂଚି ପାରୁନି ଗାଁ ମୁଣ୍ଡରେ, ସେଥିପାଇଁ ଅସହାୟରେ ଜୀବନ କାଟୁଛନ୍ତି ଗାଁ ଲୋକେ । ଗାଁ ମାନଙ୍କରେ କାମ ଧନ୍ଦା ମିଳୁ ନ ଥିବାରୁ ମାଟିର ମୋହ ତୁଟାଇ ପ୍ରବାସ କୁ ଦାଦନ ଖଟିବାକୁ ଯାଉଛନ୍ତି ଲୋକେ ,ଦାଦନ ଯେ ସବୁ ଶ୍ରମିକଙ୍କ ଜୀବନକୁ ଆଲୋକିତ କରୁନି ତାର ଅନେକ ଉଦାହରଣ ସୃଷ୍ଟି ହେବାରେ ଲାଗିଛି ।ଏଭଳି ଏକ ଘଟଣା ଦେଖିବାକୁ ମିଳିଛି ପାଇକମାଲ ରେ । 35 ଜଣ ଶ୍ରମିକ କାମ କରିବାକୁ ଯାଇ ପଡୋଶୀ ତେଲେଙ୍ଗାନାର ଇଟା ଭାଟିରେ ବନ୍ଧକ ରହିଥିବା ଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ।
ମିଳିଥିବା ସୂଚନା ଅନୁଯାୟୀ ବରଗଡ଼ ଜିଲ୍ଲା ପାଇକମାଲ ବ୍ଲକ ଯୋଗୀନ୍ଦ୍ରନାଥପୁର ଗାଁ ର 35 ଜଣ ଶ୍ରମିକ ଇଟା ଗଢିବା କାମ ପାଇଁ ଡିସେମ୍ବର ମାସ ରେ ତେଲେଙ୍ଗାନା ର ପଇଦାପଲ୍ଲୀ ଜିଲାର ରାମଗିରି ଥାନା ଅନ୍ତର୍ଗତ ପାଣ୍ଡୁଳାପଲ୍ଲି ଯାଇଥିଲେ । କିଛିଦିନ ଭଲରେ ବିତିବା ପରେ ଆରମ୍ଭ ହେଲା ଠିକାଦାର ର ଜୁଲୁମ।ଖାଦ୍ୟ ନ ଦେଇ ଖଟାଇବାସହ କଥ କଥାରେ ମାଡ଼ ଗାଳି ଦେବାକୁ ମଧ୍ୟ ପଛାଉନଥିଲା ।ଜଣେ ଶ୍ରମିକ ଠିକାଦାର ମାଡ଼ ରେ ଆହାତ ହୋଇ ଲୁଚି ଛପି ଚାଲିଆସିବାପରେ ଏହି ଘଟଣା ସାମ୍ମନା କୁ ଆସିଥିଲା l ଏନେଇ ଉଦ୍ଧାର କରିବା ନିମନ୍ତେ ପାଇକମାଲ ଥାନାରେ ଦୁର୍ଜନ ସାନବର୍ଷା ଏବଂ ଗୋକୁଳ ଭୋଇ ଅଭିଯୋଗ କରିଛନ୍ତି ତଥା ବିଜେପୁର ଦୁର୍ନୀତି ବିରୋଧୀ ଯୁବ ସଂଗଠନ ୟୁଥ ଆଗେନଷ୍ଟ କରପସନ ,ଜୋଖିପାଲିର କର୍ମକର୍ତ୍ତା ମାନେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ,ଶ୍ରମ ବିଭାଗ କମିଶନର ତିରୁମାଲା ନାୟକ ମୋ ସରକାର ଙ୍କୁ ମଧ୍ୟ ଉଦ୍ଧାର କରିବା ନିମନ୍ତେ ଅନୁରୋଧ କରିଛନ୍ତି. ତୁରନ୍ତ ଉକ୍ତ ଦାଦନ ଶ୍ରମିକଙ୍କୁ ଉଦ୍ଧାର କରିବା ନିମନ୍ତେ ପଦକ୍ଷେପ ଗ୍ରହଣ କରିବାକୁ ପାଇକମାଲ ଅଂଚଳବାସୀ ରାଜ୍ୟ ସରକାର ଏବଂ ପ୍ରଶାସନ କୁ ଅନୁରୋଧ କରିଛନ୍ତି
