ଦେଶଦ୍ରୋହ ମାମଲାରେ କଂଗ୍ରେସ ନେତା ହାର୍ଦ୍ଦିକ ପଟେଲ୍ ଗିରଫ

Jan 20, 2020 - 05:51 Updated: Jan 20, 2020 - 05:51

3501

ଦେଶଦ୍ରୋହ ମାମଲାରେ କଂଗ୍ରେସ ନେତା ହାର୍ଦ୍ଦିକ ପଟେଲ୍ ଗିରଫ ଅହମ୍ମଦାବାଦ: ଦେଶଦ୍ରୋହ ମାମଲାରେ କଂଗ୍ରେସ ନେତା ହାର୍ଦ୍ଦିକ ପଟେଲଙ୍କୁ ପୁଲିସ ଗିରଫ କରିଛି ବୋଲି ଡିସିପି ରାଜଦୀପ ସିଂହ କାଲା (ସାଇବର କ୍ରାଇମ) ସୂଚନା ଦେଇଛନ୍ତି । ପୂର୍ବରୁ ତାଙ୍କ ବିରୋଧରେ ୨୦୧୫ ର ଦେଶଦ୍ରୋହ ମାମଲାରେ ଜାମିନୀବିହୀନ ଗିରଫ ପରୱାନା ଜାରି କରାଯାଇଥିଲା । ସୂଚନା ଯୋଗ୍ୟ, ୨୦୧୫ ମସିହା ଅଗଷ୍ଟ ୨୫ ତାରିଖରେ ଅହମ୍ମଦାବାଦର ପଟେଲ ସମ୍ପ୍ରଦାୟର ରାଲିରେ ହୋଇଥିବା ହିଂସାକାଣ୍ଡ ପରେ କ୍ରାଇମ ବ୍ରାଞ୍ଚ ତାଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ କରିଥିଲା । ହାର୍ଦ୍ଦିକଙ୍କୁ ମଧ୍ୟ ଏହି ମାମଲାରେ ଗିରଫ କରାଯାଇଥିଲା ଏବଂ ୨୦୧୬ ଜୁଲାଇରେ ହାର୍ଦ୍ଦିକ ଜେଲରୁ ମୁକୁଳିଥିଲେ । ଏହି ମାମଲାର ପରବର୍ତ୍ତୀ ଶୁଣାଣି ଆଗାମୀ ୨୪ ତାରିଖରେ ହେବ ।