ଦ୍ୱିତୀୟ ଲହରରେଯୁବଗୋଷ୍ଠୀ କାହିଁକି ଆକ୍ରାନ୍ତ ଅଧିକ ସଂଖ୍ୟକ ହେଲେ, ଜାଣନ୍ତୁ ଆଇସିଏମଆର ରିପୋର୍ଟ
ଦ୍ୱିତୀୟ ଲହରରେଯୁବଗୋଷ୍ଠୀ କାହିଁକି ଆକ୍ରାନ୍ତ ଅଧିକ ସଂଖ୍ୟକ ହେଲେ, ଜାଣନ୍ତୁ ଆଇସିଏମଆର ରିପୋର୍ଟ
admin
1921
ନୂଆଦିଲ୍ଲୀ: ମହାମାରୀ କୋଭିଡ-୧୯ର ଏହି ଦ୍ୱିତୀୟ ଲହର ସଂକ୍ରମଣରେ ଅଧିକ ସଂଖ୍ୟକ ଯୁବଗୋଷ୍ଠୀ ହିଁ ସଂକ୍ରମିତ ହେଉଥିବା ଜଣାଯାଇଛି । ତେବେ ସେମାନଙ୍କର ଅପେକ୍ଷାକୃତ ଅଧିକ ଅବାଧ ବିଚରଣ ଯୋଗୁଁ ସେମାନେ ଏପରି ଅଧିକ ସଂଖ୍ୟାରେ ସଂକ୍ରମଣର ଶିକାର ହେଉଥିବା ଭାରତୀୟ ଭେଷଜ ଗବେଷଣା ପରିଷଦ(ଆଇସିଏମଆର) ପକ୍ଷରୁ କୁହାଯାଇଛି । ଚଳିତ ବର୍ଷ ପ୍ରାରମ୍ଭରେ ସରକାର ଗତବର୍ଷର କୋଭିଡ-୧୯ କଟକଣାଗୁଡ଼ିକୁ ସାମନ୍ୟ କୋହଳ କରିବା ମାତ୍ରେ ଏହି ଯୁବବର୍ଗମାନେ ହିଁ ହଠାତ ବାହାରକୁ ବାହାରି ନିଜର ଯାତାୟାତକୁ ପୂର୍ବଭଳି ସ୍ୱାଭାବିକ କରି ପକାଇଲେ । ଅପରପକ୍ଷେ, ସେହି ସମୟକୁ ଦ୍ୱିତୀୟ ଲହର ସଂକ୍ରମଣରେ ଅଧିକ ସଂକ୍ରମଣଶୀଳ ରୂପାନ୍ତରିତ ପ୍ରଜାତିର କରୋନାଭୂତାଣୁଗୁଡ଼ିକ ସକ୍ରିୟ ରହିଥିଲା । ଫଳରେ ଦେଶରେ ସଂକ୍ରମଣ ସ୍ଥିତି ଏପରି ହୁ ହୁ ହୋଇ ବଢ଼ିଚାଲିଲା ବୋଲି ଆଇସିଏମଆର ନିଦେ୍ର୍ଧଶକ ଡା. ବଳରାମ ଭାର୍ଗବ କହିଛନ୍ତି । ତେବେ ପ୍ରଥମ ଓ ଦ୍ୱିତୀୟ ଲହର ସଂକ୍ରମଣର ଶିକାର ହୋଇଥିବା ଲୋକଙ୍କ ବୟସରେ ସେଭଳି ବେଶୀ କିଛି ଫରକ ନଥିବା ସେ କହିଛନ୍ତି । ଗତବର୍ଷ ସଂକ୍ରମିତଙ୍କ ମଧ୍ୟରୁ ୩୧ ପ୍ରତିଶତଙ୍କ ବୟସ ୩୦ ବର୍ଷରୁ କମ ହୋଇଥିବା ବେଳେ ଚଳିତ ବର୍ଷ ସେହି ସମାନ ବର୍ଗ ସଂକ୍ରମିତଙ୍କର ଭାଗ ରହିଛି ୩୨ ପ୍ରତିଶତ । ଅପରପକ୍ଷେ, ୪୦ ବର୍ଷରୁ ଅଧିକ ବୟସ୍କମାନେ ହିଁ ବେଶି ପ୍ରତିକୂଳ ପରିଣାମର ଶିକାର ହେଉଛନ୍ତି ବୋଲି ସେ କହିଛନ୍ତି ।
