ପାରଳାଖେମୁଣ୍ଡି ରେ ନବଜାତ ଶିଶୁ ଚୋରି ।
ପାରଳାଖେମୁଣ୍ଡି ରେ ନବଜାତ ଶିଶୁ ଚୋରି ।
admin
6425
ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ମୁଖ୍ୟ ଚିକିତ୍ସାଳୟରୁ ଚାରି ଦିନର ନବଜାତ ଶିଶୁ ଚୋରି ହୋଇଛି। ନିଜକୁ ଆଶା ଦିଦି ପରିଚୟ ଦେଇ ଆଈ କୋଳରୁ ୪ଦିନର ଶିଶୁକୁ ୪ ଜଣ ଅଜଣା ମହିଳା ନେଇ ଚମ୍ପଟ୍ ମାରିଥିବା ଜଣାପଡ଼ିଛି। ନୂଆଗଡ଼ ବ୍ଲକର ମଦନ ବାଣୁଆଙ୍କ ପତ୍ନୀ ଚାରିଦିନ ତଳେ ଏକ ଶିଶୁପୁତ୍ରକୁ ଜନ୍ମ ଦେଇଥିଲେ। ଏନେଇ ଥାନାରେ ଅଭିଯୋଗ ହେବା ପରେ ପୋଲିସ ତନାଘନା ଆରମ୍ଭ କରିଛି। ଡାକ୍ତରଖାନା ସିସିଟିଭି ଫୁଟେଜ୍ରେ ୪ ମହିଳା ଶିଶୁଟିକୁ ଏକ ବ୍ୟାଗରେ ଧରି ଦୌଡ଼ି ପଳାଉଥିବାର ଦୃଶ୍ୟ ରେକର୍ଡ଼ ହୋଇଛି।
ଏ ସମୟରେ ଏକ କଳା ରଙ୍ଗର କାର୍ ମହିଳାଙ୍କ ଆଗରେ ଯାଉଥିବା ସିସିଟିଭି ଫୁଟେଜ୍ରୁ ସ୍ପଷ୍ଟ ହୋଇଛି। ତେଣୁ ପିଲା ଚୋରି କରିବା ଉଦ୍ଦେଶ୍ୟ ନେଇ ଏହି ମହିଳାମାନେ ଆସିଥିବା ଓ ପେସାଦାର ଢଙ୍ଗରେ ଏଭଳି କାରନାମା ଘଟାଇ ଫେରାର ହୋଇ ଯାଇଥିବା ପୋଲିସ ଅନୁମାନ କରୁଛି। ସିସିଟିଭି ଫୁଟେଜ୍କୁ ଅଧାର କରି ଏବେ ପୁଲିସ ତଦନ୍ତ ଚଳାଇଥିବା ବେଳେ ନିଖୋଜ ଶିଶୁ କିମ୍ବା ସନ୍ଦିଗ୍ଧ କାର୍ର କୌଣସି ସନ୍ଧାନ ମିଳିପାରି ନଥିବା ଜଣାପଡିଛି।
