ପ୍ରତିଷ୍ଠା ଦିବସ ପାଇଁ ବିଜେଡି ନେତାଙ୍କୁ ନବୀନଙ୍କ ଚିଠି
ପ୍ରତିଷ୍ଠା ଦିବସ ପାଇଁ ବିଜେଡି ନେତାଙ୍କୁ ନବୀନଙ୍କ ଚିଠି
admin
2245
ଭୁବନେଶ୍ୱର: ୨୪ତମ ପ୍ରତିଷ୍ଠା ଦିବସ ପାଳନ ଲାଗି ବିଜେଡି ସଭାପତି ନବୀନ ପଟ୍ଟନାୟକ ଦଳର ସମସ୍ତ ରାଜ୍ୟ କର୍ମକର୍ତ୍ତା, ଜିଲ୍ଲା ପର୍ଯ୍ୟବେକ୍ଷକ, ସାଂସଦ, ବିଧାୟିକ, ବିଧାୟକ ପ୍ରାର୍ଥୀ, ଜିଲ୍ଲା ସଭାପତି, ଦଳୀୟ ସଂଗଠନ ରାଜ୍ୟ ସଭାପତି, ବ୍ଲକ ଓ ନଗର ସଭାପତିଙ୍କୁ ଏକ ଚିଠି ଲେଖିଛନ୍ତି । ଏଥିରେ କୁହାଯାଇଛି, ଏଥର ପ୍ରତିଷ୍ଠା ଦିବସ ରାଜ୍ୟସ୍ତରରେ ଓ ପ୍ରତ୍ୟେକ ନିର୍ବାଚନମଣ୍ଡଳୀରେ କୋଭିଡ ନିୟମ କଡାକଡ଼ି ଅନୁପାଳନ ସହିତ ପାଳନ ହେବ । ଏହି ଅବସରରେ ନବୀନ ଆସନ୍ତାବର୍ଷ ପାଇଁ ଦଳର କାର୍ଯ୍ୟ ଖସଡ଼ା ବି ନିର୍ଦ୍ଧାରଣ କରିଛନ୍ତି । କହିଛନ୍ତି, ବର୍ଷ ସାରା ବିଭିନ୍ନ ସାଂଗଠନିକ କାର୍ଯ୍ୟକ୍ରମ, ସମାଜ କଲ୍ୟାଣ କାର୍ଯ୍ୟକ୍ରମ ଓ ଲୋକସେବା ମାଧ୍ୟମରେ ଦଳୀୟ କର୍ମକର୍ତ୍ତାଙ୍କୁ ଲୋକଙ୍କର ନିକଟତର ହେବାକୁ ପଡ଼ିବ । ଦଳୀୟ ଏକତା, ଶୃଙ୍ଖଳା ବଜାୟ ରଖି ରାଜ୍ୟବାସୀଙ୍କ ସେବାରେ ବିଜେଡି ଲାଗିବ । ପ୍ରତିଷ୍ଠା ଦିବସରୁ ହିଁ ଏସବୁ କାର୍ଯ୍ୟକ୍ରମ ଆରମ୍ଭ ହେବ । ରାଜ୍ୟବାସୀଙ୍କ ବିଜେଡି ଉପରେ ରହିଥିବା ଆସ୍ଥା ବଜାୟ ରଖିବା ତଥା ଜନସେବାକୁ ରାଜନୀତିର ମୂଳମନ୍ତ୍ର ଭାବେ ଗ୍ରହଣ କରିବା ଲାଗି ନବୀନ ଦଳୀୟ ନେତାଙ୍କୁ ଆହ୍ୱାନ ଦେଇଛନ୍ତି ।
