ଅମାନିଆଙ୍କ ଠାରୁ ୫ ଦିନରେ ଦେଢ଼ କୋଟି ଟଙ୍କାରୁ ଅଧିକ ଜରିମାନା ଆଦାୟ

Apr 13, 2021 - 06:38 Updated: Apr 13, 2021 - 06:38

1830

କଟକ: କୋଭିଡ ନିୟମ ଉଲ୍ଲଂଘନ କରି ଥିବା ଅମାନିଆଙ୍କ ଠାରୁ ୫ ଦିନରେ ଦେଢ଼ କୋଟି ଟଙ୍କାରୁ ଅଧିକ ଜରିମାନା ଆଦାୟ କଲାଣି ପୁଲିସ । ପାଞ୍ଚ ଦିନ ଭିତରେ ମୋଟ ୫୬ ହଜାର ୨୫୬ ଜଣଙ୍କଠାରୁ ୧ କୋଟି ୫୮ ଲକ୍ଷ ୭୩ ହଜାର ୨୦୦ ଟଙ୍କା ଜରିମାନା ଆଦାୟ କରାଯାଇଚି । ପଞ୍ଚମ ଦିନରେ ସାମାଜିକ ଦୂରତା ବଜାୟ ରଖି ନଥିବା ୧୧୬୧ ଜଣ ବ୍ୟକ୍ତିଙ୍କ ଠାରୁ ୧ ଲକ୍ଷ ୫୬ ହଜାର ୯୦୦ ଟଙ୍କା ଓ ସର୍ବସାଧାରଣ ସ୍ଥାନରେ ମୁହଁରେ ମାସ୍କ ପିନ୍ଧି ନଥିବା କାରଣରୁ ୧୦ ହଜାର ୧୪୯ ଜଣ ବ୍ୟକ୍ତିଙ୍କ ଠାରୁ ୩୧ ଲକ୍ଷ ୮୪ ହଜାର ୩୦୦ ଟଙ୍କା ଜରିମାନା ଆଦାୟ କରାଯାଇଛି । ଓଡ଼ିଶା ପୁଲିସ ପକ୍ଷରୁ ଆରମ୍ଭ ହୋଇଥିବା ଏହି ଅଭିଯାନ ଆସନ୍ତା ୧୬ ତାରିଖ ପର୍ଯ୍ୟନ୍ତ ଚାଲିବ । ମାସ୍କ ନ ପିନ୍ଧି ପାଖାପାଖି ୫୦ ହଜାର ଅମାନିଆ ୧ କୋଟି ୪୦ ଲକ୍ଷ ଟଙ୍କାରୁ ଅଧିକ ଜରିମାନା ଦେଇ ସାରିଲେଣି ।