ଚୀନ ମାନିଲାନି ଟ୍ରମ୍ପର କଟକଣା, ପୂର୍ବରୁ ପଠାଇଥିଲା ୪,୦୦,୦୦୦ ଲୋକ
ଚୀନ ମାନିଲାନି ଟ୍ରମ୍ପର କଟକଣା, ପୂର୍ବରୁ ପଠାଇଥିଲା ୪,୦୦,୦୦୦ ଲୋକ
admin
4716
କରୋନା ସଂକ୍ରମଣର ଭୟାବହତା ସମ୍ବନ୍ଧରେ ଚୀନ ବହୁ ବିଳମ୍ବରେ ସୂଚନା ପ୍ରଦାନ କରିଥିଲା । ଚୀନରେ ଏହି ସଂକ୍ରମଣ ଅସମ୍ଭାଳ ହେବା ପରେ ସେଠାକାର ସରକାର ଏହା ସମ୍ବନ୍ଧରେ ଘୋଷଣା କରିଥିଲେ । ଯାହାକି ବିଶ୍ୱକୁ ଭାରି ପଡ଼ିଛି । ଏହି ଘୋଷଣା ପରେ ଚୀନରୁ ଆମେରିକାକୁ ବିମାନ ଯାତାୟତ ଉପରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କଟକଣା ଲାଗୁ କରିଥିଲେ । ତଥାପି ସେହି ସମୟ ସୁଦ୍ଧା ପାଖାପାଖି ୧,୩୦୦ ରୁ ଊର୍ଦ୍ଧ୍ୱ ବିମାନ ଦ୍ୱାରା ଆମେରିକାର ୧୭ଟି ସହରକୁ ୪,୩୦,୦୦୦ ଲୋକ ପହଞ୍ଚିଥିଲେ । ଏମାନଙ୍କ ମଧ୍ୟରୁ ହଜାର ହଜାର ସଂଖ୍ୟକ ଲୋକ ବାହୁଉଁରୁ ସିଧାସଳଖ ଆମେରିକାରେ ପହଞ୍ଚିଥିଲେ ବୋଲି ସ୍ଥାନୀୟ ଗଣମାଧ୍ୟମ ନ୍ୟୁୟର୍କ ଟାଇମ୍ସ ପ୍ରକାଶ କରିଛି । ନୂଆ ବର୍ଷ ଅବସରରେ ପହଞ୍ଚିଥିବା ଲୋକମାନଙ୍କର ବିମାନ ବନ୍ଦର ଠାରେ ପରୀକ୍ଷା କରିବା ନେଇ କଡ଼ା ବ୍ୟବସ୍ଥା ସେ ସମୟରେ ହୋଇନଥିଲା ।
ଜାନୁଆରୀ ଅଧା ସୁଧା ଚୀନ ଏହି ମହାମାରୀର ଭୟାବହତାକୁ ଗୁରୁତ୍ୱକୁ ଦେଇ ନଥିଲା । ଏପିରିକି ଚୀନରୁ ଆସୁଥିବା ଲୋକେ ସଂକ୍ରମଣ ବାହକ କି ନୁହେଁ ତାହା ଆମେରିକୀୟ ବିମାନ ବନ୍ଦରରେ ଯାଞ୍ଚ କରାଯାଇନଥିଲା । ଜାନୁଆରୀ ମଧ୍ୟ ଭାଗ ସୁଦ୍ଧା କେବଳ ବୁହାଉଁରୁ ଲସ ଆଞ୍ଜେଲସ, ସନ ଫ୍ରାନ୍ସିସ୍କୋ ଏବଂ ନ୍ୟୁୟର୍କ ଆସୁଥିବା ଅଳ୍ପ କିଛି ବିଦେଶ ଯାତ୍ରୀଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଉଥିଲା । ଜନ ହକିନ୍ସନ ୟୁନିଭର୍ସିଟି ଦ୍ୱାରା କରାଯାଇଥିବା ଏକ ଆକଳନ ଅନୁସାରେ ବିଶ୍ୱରେ ୧୨ ନିୟୁତରୁ ଊର୍ଦ୍ଧ୍ୱ ଲୋକ କରୋନା ଭୂତାଣୁ ଦ୍ୱାରା ସଂକ୍ରମିତ ହୋଇଥିବା ବେଳେ ଆମେରିକାରେ ଏପ୍ରିଲ ୪ ସୁଦ୍ଧା ୩,୧୧,୫୪୪ ଜଣ ସଂକ୍ରମିତ ହୋଇଛନ୍ତି । ଏହି ଭୂତାଣୁ କାରଣରୁ ଆମେରିକା ୮,୪୦୦ ଲୋକଙ୍କ ସମେତ ବିଶ୍ୱରେ ୬୪,୦୦୦ ଲୋକ ପ୍ରାଣ ହରାଇଛନ୍ତି ।
