ନିଶା କାରବାର ମାମଲା, ରିୟାଙ୍କ ଭାଇଙ୍କୁ ଜାମିନ
ନିଶା କାରବାର ମାମଲା, ରିୟାଙ୍କ ଭାଇଙ୍କୁ ଜାମିନ
admin
2546
ମୁମ୍ବାଇ: ନିଶାକାରବାରରେ ଲିପ୍ତ ଥିବା ଅଭିଯୋଗରେ ନାର୍କୋଟିକ୍ସ କଣ୍ଟ୍ରୋଲ ବୁ୍ୟରୋ (ଏନସିବି) ଦ୍ୱାରା ଗିରଫ ହୋଇଥିବା ମଡେଲ ତଥା ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ଭାଇ ସୌବିକଙ୍କୁ ଜାମିନ ମିଳିଛି । ମୁମ୍ବାଇ ସ୍ଥିତ ଏକ ସ୍ୱତନ୍ତ୍ର ଅଦାଲତ ତାଙ୍କୁ ଜାମିନ ଦେଇଛନ୍ତି । ପ୍ରାୟ ତିନି ମାସ ପରେ ତାଙ୍କୁ ଜାମିନ ମିଳିଛି । ଏନସିବି ଗତ ସେପ୍ଟେମ୍ବର ମାସରେ ତାଙ୍କ ଘର ଉପରେ ଚଢ଼ାଉ କରିବା ସହିତ ତାଙ୍କୁ ଗିରଫ କରିଥିଲା । ଅଭିନେତା ସୁଶାନ୍ତ ସିଂ ରାଜପୁତଙ୍କ ସନେ୍ଦହଜନକ ମୃତୁ୍ୟ ମାମଲାରେ ବଲିଉଡର ବ୍ୟାପକ ମାତ୍ରାରେ ନିଶା କାରବାର ଚାଲିଥିବା ଘଟଣା ସାମ୍ନାକୁ ଆସିଥିଲା । ଏମିତିକି ସୁଶାନ୍ତଙ୍କୁ ବି ଯୋଜନା ବଦ୍ଧ ଭାବେ ନିଶା ଦିଆଯାଉଥିବାର ଅଭିଯୋଗ ହୋଇଥିଲା । ଏହି ଘଟଣାରେ ଇଡି ଦ୍ୱାରା ଜବତ କରାଯାଇଥିବା ରିୟାଙ୍କ ଫୋନରୁ ହ୍ୱାଟସଆପରେ ନିଶା କାରବାର ସମ୍ପର୍କିତ ବାର୍ତ୍ତାଳାପ କରାଯାଇଥିବାର ଜଣାପଡ଼ିଥିଲା ।
