ବ୍ୟବହାର କରି ନପାରିବାରୁ ଫୋନ୍ ଫେରାଇ ଦେଲା ଚୋର
ବ୍ୟବହାର କରି ନପାରିବାରୁ ଫୋନ୍ ଫେରାଇ ଦେଲା ଚୋର
admin
3036
ଦାମୀ ଫୋନ ହଜିଯିବା ପରେ ପୁଣି ମିଳିବା ବାସ୍ତବରେ କୌଣସି ଚମକ୍ରାରଠାରୁ କମ ନୁହେଁ । ଏଭଳି ଏକ ଘଟଣା ଏବେ ଚର୍ଚ୍ଚାର ବିଷୟ ହୋଇଛି । ନିକଟରେ ଜଣେ ବ୍ୟକ୍ତିଙ୍କ ସ୍ମାର୍ଟଫୋନ ଏକ ଦୋକାନରେ ଚୋରି ହୋଇଯାଇଥିଲା । ଚୋରି କରିଥିବା ବ୍ୟକ୍ତି ଜଣକ କିଛି ଦିନ ପରେ ଫୋନଟିକୁ ଉକ୍ତ ବ୍ୟକ୍ତିଙ୍କୁ ଫେରାଇ ଦେଇଛି । ତେବେ ଏହାର କାରଣ ସବୁଠୁ ମଜାଦାର । ଚୋର ବ୍ୟବହାର କରିନପାରିବାରୁ ସ୍ମାର୍ଟଫୋନଟିକୁ ଫେରାଇ ଦେଇଛି । ଗତ ସେପ୍ଟେମ୍ବର ୪ ତାରିଖରେ ପୂର୍ବ ବୁଡୱାନ ଜିଲ୍ଲା ଜମାଲପୁରର ଏକ ମିଠା ଦୋକାନରେ ଜଣେ ୨୨ ବର୍ଷୀୟ ଯୁବକ ଭୁଲ ବଶତଃ ୪୫ ହଜାର ଟଙ୍କାର ନିଜ ସ୍ମାର୍ଟଫୋନ ଛାଡ଼ି ଦେଇଥିଲେ । ସଙ୍ଗେ ସଙ୍ଗେ ଦୋକାନ କାଉଣ୍ଟରରୁ ତାହ ଚୋରି ହୋଇଗଲା । ଏହା ପରେ ଫୋନ ମାଲିକ ଥାନାରେ ଅଭିଯୋଗ କଲେ । କିନ୍ତୁ ପୁଲିସ ଉକ୍ତ ମିଠା ଦୋକାନରେ ଫୋନଟିକୁ ପାଇଲା ନାହିଁ । ନିଜ ଫୋନକୁ ଫୋନ କରିବାକୁ ବ୍ୟକ୍ତି ଜଣକ ଚେଷ୍ଟା କଲେ, କିନ୍ତୁ ତାହା ସ୍ୱିଚଡ ଅଫ ଥିଲା । ତେବେ ଗତ ରବିବାର ପୁଣି ଥରେ ନିଜ ଫୋନକୁ ଫୋନ କରିବା ପରେ ଚୋରି କରିଥିବା ବ୍ୟକ୍ତି ଜଣକ ଫୋନ କଲ ରିସିଭ କଲେ ଏବଂ ବ୍ୟବହାର କରିନପାରିବାରୁ ଫୋନ ଫେରାଇବାକୁ ଚାହୁଁଛନ୍ତି ବୋଲି କହିଲେ । ଫୋନ ମାଲିକ ଚୋରର ଏକଥା ଶୁଣି ପ୍ରଥମେ ବିଶ୍ୱାସ କରିପାରିଲେ ନାହିଁ । ଏହା ପରେ ସଙ୍ଗେ ସଙ୍ଗେ ପୁଲିସ ସାହାଯ୍ୟରେ ସେହି ଦିନ ଚୋରି କରିଥିବା ବ୍ୟକ୍ତିଙ୍କ ଘରକୁ ଯାଇ ସେ ନିଜ ଫୋନ ଆଣିଲେ । ବ୍ୟକ୍ତି ଜଣକ ଫୋନ ଫେରାଇ ଦେଇଥିବାରୁ ଫୋନ ମାଲିକ ତା ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନକରିବାକୁ ପୁଲିସକୁ ଅନୁରୋଧ କଲେ । ତେଣୁ ପୁଲିସ ଫୋନ ଚୋର ଉପରେ କୌଣସି କାର୍ଯ୍ୟାନୁଷ୍ଠାନ କଲେ ନାହିଁ ।
