ଲଜ୍ଜ୍ୟା : ୧୫ ବର୍ଷ ବୟସର ନାବାଳିକାଙ୍କୁ ପାଞ୍ଚଦିନ ଧରି ଦୁଷ୍କର୍ମ
ଲଜ୍ଜ୍ୟା : ୧୫ ବର୍ଷ ବୟସର ନାବାଳିକାଙ୍କୁ ପାଞ୍ଚଦିନ ଧରି ଦୁଷ୍କର୍ମ
admin
2518
କୁଳିଅଣା : ମୟୂରଭଞ୍ଜ ଜିଲ୍ଲାର ଚାନ୍ଦୁଆ ଥାନା ଅଞ୍ଚଳରେ ଜଣେ ୧୫ ବର୍ଷ ବୟସର ନାବାଳିକାଙ୍କୁ ପାଞ୍ଚଦିନ ଧରି ଦୁଷ୍କର୍ମ କରାଯାଇଛି । ସୂଚନା ଅନୁସାରେ ଏପ୍ରିଲ୍ ୨୫ ତାରିଖ ରାତିରେ ଝିଅଟି ହଠାତ ଘରୁ ଅନ୍ତର୍ଦ୍ଧାନ ହୋଇ ଯାଇଥିଲା । ପରିବାର ଲୋକେ ଗାଁ ସାରା ଖୋଜି ନିରାଶ ହେବା ପରେ ଥାନାକୁ ଯାଇ ଝିଅ ନିଖୋଜ ସମ୍ପର୍କରେ ଅଭିଯୋଗ କରିଥିଲେ । ହେଲେ ପୁଲିସ୍ ଏଭଳି ଏକ ଗୁରୁତ୍ୱପୂର୍ଣ୍ଣ ଘଟଣାରେ ଏତଲା ରଖିବ କ’ଣ, କଥାକୁ ଅତି ହାଲୁକା ଭାବେ ନେଇଥିଲା । ପରିବାରର ମାନସମ୍ମାନ କଥା କହି ଖୋଜାଖୋଜି କର, ଝିଅ ମିଳିଯିବ ବୋଲି କହି ସେମାନଙ୍କୁ ଥାନାରୁ ବିଦା କରି ଦେଇଥିଲା । ପୁଲିସଠାରୁ ଏଭଳି କଥା ଶୁଣିବା ପରେ ମୁଣ୍ଡକାନ ଆଉଁସି ପରିବାର ଲୋକ ଘରକୁ ଫେରିବା ସହ ନିଜ ଉଦ୍ୟମରେ ନିଖୋଜ ଝିଅକୁ ଠାବ କରିବାକୁ ଚେଷ୍ଟା ଚଳାଇଥିଲେ ।
୨୯ ତାରିଖ ସକାଳେ ଗାଁ ନିକଟସ୍ଥ ଏକ ପାଣି ଟାଙ୍କି ଉପରେ ଝିଅଟି ନିବସ୍ତ୍ର ଅବସ୍ଥାରେ ପଡ଼ିଥିବା ଦେଖାଯାଇଥିଲା । ପରିବାର ଲୋକେ ଉଦ୍ଧାର କରି ଘରକୁ ଆଣିବା ପରେ ନାବାଳିକା ଜଣକ ତାଙ୍କୁ ଦୁଷ୍କର୍ମ ହୋଇଥିବା ନେଇ ସୂଚନା ଦେଇଥିଲେ । ପୀଡ଼ିତାଙ୍କ ଅଭିଯୋଗ ଅନୁସାରେ ରଙ୍ଗାମାଟିଆ ଅଞ୍ଚଳର ବାହାଦୂର ଚାପିଆର (୨୦) ପାଞ୍ଚଦିନ ଧରି ତାଙ୍କୁ ଘରେ ରଖି ଦୁଷ୍କର୍ମ କରିଥିଲା । ଏ ନେଇ ପରିବାର ଲୋକ ପୁଣି ସେହିଦିନ ଥାନାରେ ପହଞ୍ଚି ଝିଅକୁ ଦୁଷ୍କର୍ମ ହୋଇଥିବା ଲିଖିତ ଅଭିଯୋଗ କରିଥିଲେ । ତେବେ ଆରମ୍ଭରୁ ଏହି ମାମଲାରେ ଆଦୌ ମୁଣ୍ଡ ଖେଳାଇ ନ ଥିବା ଏବଂ ପରିବାରର ମାନସମ୍ମାନ କଥା କହି ଅଭିଯୋଗକୁ ଫେରାଇ ଦେଇଥିବା ବାଙ୍ଗିରିପୋଷି ଥାନା ପୁଲିସ ହଠାତ୍ ଏହି ଘଟଣାରେ ସକ୍ରିୟତା ଦେଖାଇଥିଲା । ଏହି ଘଟଣାରେ ଜଣକୁ ଗିରଫ କରିଥିବା ଜଣାପଡ଼ିଛି । ଅନ୍ୟପକ୍ଷରେ ପୀଡ଼ିତାର ସ୍ୱାସ୍ଥ୍ୟାବସ୍ଥା ଗୁୁରୁତର ଥିବା ଜଣାପଡ଼ିଛି ।
