ୟୁଏଇରେ ଖେଳାଯିବ କରୋନା ପାଇଁ ବନ୍ଦ ଥିବା ଆଇପିଏଲର ଅବଶିଷ୍ଟ ୩୧ ମ୍ୟାଚ
ୟୁଏଇରେ ଖେଳାଯିବ କରୋନା ପାଇଁ ବନ୍ଦ ଥିବା ଆଇପିଏଲର ଅବଶିଷ୍ଟ ୩୧ ମ୍ୟାଚ
admin
3602
ନୂଆଦିଲ୍ଲୀ: କରୋନା ପାଇଁ ବନ୍ଦ ଥିବା ଆଇପିଏଲ-୨୦୨୧ର ଅବଶିଷ୍ଟ ୩୧ ମ୍ୟାଚ ୟୁଏଇରେ ଖେଳାଯିବା ନେଇ ନିଷ୍ପତ୍ତି ହୋଇଛି । ସେପ୍ଟେମ୍ବର- ଅକ୍ଟୋବର ମାସରେ ୟୁଏଇରେ ମ୍ୟାଚ କରାଯିବା ନେଇ ବିସିସିଆଇ ଏସଜିଏମରେ ନିଷ୍ପତ୍ତି ନିଆଯାଇଛି । ଅବଶିଷ୍ଟ ୩୧ଟି ମ୍ୟାଚ ଆୟୋଜନ ନେଇ ୟୁଏଇ ରାଜି ହୋଇଥିବା ନେଇ ସୂଚନା ମିଳିଛି । ତେବେ ବିଦେଶୀ ଖେଳାଳି ଏହି ମ୍ୟାଚଗୁଡ଼ିକରେ ଭାଗ ନେବା ନେଇ ବିଦେଶୀ ବୋର୍ଡ ସହ ଆଲୋଚନା କରାଯାଉଛି ବୋଲି ଜଣାଯାଇଛି ।
ସୂଚନାଯୋଗ୍ୟ ଯେ ଭାରତରେ ଆଇପିଏଲ-୨୦୨୧ର ୨୯ ମ୍ୟାଚ୍ ଖେଳାଯିବା ପରେ ବିଭିନ୍ନ ଦଳର ଖେଳାଳି ଓ ଅଧିକାରୀ କରୋନା ସଂକ୍ରମିତ ହୋଇଥିବା ଜଣାପଡ଼ିଥିଲା । ଫଳରେ ଏହାକୁ ଅଧାରୁ ସ୍ଥଗିତ କରି ଦିଆଯାଇଥିଲା । ଗତବର୍ଷ ସଂପୂର୍ଣ୍ଣ ଆଇପିଏଲ ୟୁଏଇରେ ଖେଳାଯାଇଥିଲା । ଭାରତରେ ବଢ଼ି ବଢ଼ି ଚାଲିଥିବା କରୋନା ସଂକ୍ରମଣ ପାଇଁ ୟୁଏଇ ପୁଣି ଥରେ ଆଇପିଏଲ ଆୟୋଜନ ଅଧିକାର ପାଇବାକୁ ଯାଉଛି ।
