୭ ଦିନ ବନ୍ଦ ରହିବ କୋଣାର୍କ ସୂର୍ଯ୍ୟମନ୍ଦିର
୭ ଦିନ ବନ୍ଦ ରହିବ କୋଣାର୍କ ସୂର୍ଯ୍ୟମନ୍ଦିର
admin
4039
ପୁରୀ: କରୋନା ସତର୍କତାକୁ ଦୃଷ୍ଟିରେ ରଖି ପୁରୀ ଜିଲ୍ଲା ପ୍ରଶାସନ ୭ ଦିନ ପାଇଁ କୋଣାର୍କ ସୂର୍ଯ୍ୟମନ୍ଦିର ଦର୍ଶନ ଉପରେ କଟକଣା ଲଗାଇଛନ୍ତି । ସପ୍ତାହବ୍ୟାପୀ ଦେଶୀ, ବିଦେଶୀ ପର୍ଯ୍ୟଟକ ସୂର୍ଯ୍ୟମନ୍ଦିର ଭିତରକୁ ଯାଇପାରିବେ ନାହିଁ ବୋଲି ପୁରୀ ଜିଲ୍ଲାପାଳ ବଲୱନ୍ତ ସିଂହ ସୂଚନା ଦେଇଛନ୍ତି । ତେବେ ସପ୍ତାହ ପରେ ଏ ନେଇ ପୁଣି ଥରେ ନିଷ୍ପତ୍ତି ନିଆଯିବ । ଏଥିପାଇଁ ଆବଶ୍ୟକ ପଦକ୍ଷେପ ନେବାକୁ ଭାରତୀୟ ପ୍ରତ୍ନତତ୍ତ୍ୱ ବିଭାଗକୁ ମଧ୍ୟ ଅନୁରୋଧ କରାଯାଇଛି । କୋଣାର୍କକୁ ଦେଶ ବିଦେଶରୁ ପର୍ଯ୍ୟଟକ ଆସୁଥିବାରୁ ଏଭଳି ନିଷ୍ପତ୍ତି ନିଆଯାଇଛି ।
ପୁରୀର ବିଭିନ୍ନ ପର୍ଯ୍ୟଟନସ୍ଥଳୀ ଚିଲିକା, ସାତପଡ଼ା, କୋଣାର୍କ ଓ ଅନ୍ୟ ପର୍ଯ୍ୟଟନସ୍ଥଳୀକୁ ନଯିବା ପାଇଁ ଟୁରିଷ୍ଟ ବସ୍ ଉପରେ କଟକଣା ଲାଗୁ କରାଯାଇଥିଲା । ଟୁର୍ ଅପରେଟରମାନଙ୍କର ଏକ ବୈଠକ ଡକାଇ ଜିଲ୍ଲାପାଳ ଏ ନେଇ କଟକଣା ଲଗାଇଥିଲେ । କୋଣାର୍କ ସୂର୍ଯ୍ୟମନ୍ଦିର ଦର୍ଶନ ଉପରେ କଟକଣା ଲଗାଇଛନ୍ତି । ଲୋକେ ଏଥିରେ ସହଯୋଗ କରିବାକୁ ଜିଲ୍ଲାପାଳ ନିବେଦନ କରିଛନ୍ତି ।
