ଅପରାହ୍ନ ୪ଟା ଯାଏ ଖରାକୁ ନବାହାରିବା ପାଇଁ ସତର୍କ କଲା ପାଣିପାଗ ବିଭାଗ
ଅପରାହ୍ନ ୪ଟା ଯାଏ ଖରାକୁ ନବାହାରିବା ପାଇଁ ସତର୍କ କଲା ପାଣିପାଗ ବିଭାଗ
admin
4056
ଭୁବନେଶ୍ୱର: ଉପକୂଳ ଓଡିଶାରୁ ପଶ୍ଚିମ ଓଡିଶା । ବାଦ୍ ପଡିନି ଉତର ଓଡିଶା । ସବୁଠି ଏବେ ଖରା ପ୍ରକୋପ ବଢି ବଢି ଚାଲିଛି । ସକାଳ ହେଉ ହେଉ ତାତି ଏମିତି ବଢିଯାଉଛି ଯେ ଦିନ ୧୦ଟା ବେଳେ ଅନେକ ସ୍ଥାନରେ ବାଟଘାଟ ଖାଁ ଖାଁ ହୋଇ ପଡୁଛି । ତେବେ ଏହାରି ଭିତରେ ଏକ ବଡ଼ ଖବର ସାମନାକୁ ଆସିଛି । ତାହା ହେଲା ତାତି ନେଇ ପାଣିପାଗ ବିଭାଗ ପକ୍ଷରୁ ସତର୍କ ସୂଚନା ଜାରି କରାଯାଇଛି । କାଲି ଭଳି ଆଜି ବି ରାଜ୍ୟରେ ପ୍ରଚଣ୍ଡ ଖରା ହେବା ନେଇ ସୂଚନା ଦିଆଯାଇଛି । ଅପରାହ୍ନ ୪ଟା ଯାଏ ଖରାକୁ ନବାହାରିବା ପାଇଁ ପାଣିପାଗ ପକ୍ଷରୁ ସତର୍କ କରାଯାଇଛି ।
ଭାରତୀୟ ପାଣିପାଗ କେନ୍ଦ୍ରର ରେକର୍ଡ ଅନୁଯାୟୀ ୧୯୪୮ ମସିହାରେ ଏହି କେନ୍ଦ୍ର ପ୍ରତିଷ୍ଠା ହେବା ଦିନଠାରୁ ଭୁବନେଶ୍ବରରେ ପାରଦ ମାର୍ଚ୍ଚ ମାସରେ ସବୁଠୁ ଅଧିକ ରହିଛି । ଏହା ପୂର୍ବରୁ ୨୧ ମାର୍ଚ୍ଚ ୨୦୧୬ରେ ଭୁବନେଶ୍ବରରେ ୪୨.୨ ଡିଗ୍ରି ତାପମାତ୍ରା ରେକର୍ଡ ହୋଇଥିଲା । ଖାଲି ଭୁବନେଶ୍ବର ନୁହେଁ, ଏବେ ପ୍ରବଳ ଖରାରେ ସାରା ଓଡ଼ିଶା ଜଳୁଛି । ଅସହ୍ୟ ତାତି ଜନଜୀବନକୁ ଅସ୍ତବ୍ୟସ୍ତ କରିଦେଲାଣି। କେଉଁଦିନ ଉତ୍ତର ଓଡ଼ିଶାରେ ତାତି ରେକର୍ଡ ଭାଙ୍ଗୁଛି ତ କେଉଁଦିନ ଆଭ୍ୟନ୍ତରୀଣ ଓଡ଼ିଶାରେ ।
