ଟିକେଟ୍ ପାଇଁ ନବୀନ ନିବାସରେ କସରତ
ଟିକେଟ୍ ପାଇଁ ନବୀନ ନିବାସରେ କସରତ
admin
4586
ଭୁବନେଶ୍ୱର: ଦଳୀୟ ଟିକେଟ୍ ନେବାପାଇଁ ନବୀନ ନିବାସରେ ଆଶାୟୀ ପ୍ରାର୍ଥୀଙ୍କ ନାହିଁ ନଥିବା ଭିଡ ପରିଲକ୍ଷିତ ହେଉଛି । ବିଭିନ୍ନ ଜିଲ୍ଲାରୁ ଆସିଥିବା ନେତାମାନେ ଟିକେଟ୍ ପାଇଁ ମୁଖ୍ୟମନ୍ତ୍ରୀ ତଥା ଦଳର ସୁପ୍ରିମୋଙ୍କୁ ସାକ୍ଷାତ କରୁନ୍ତି । ଆଜି ଗଞ୍ଜାମ ଜିଲ୍ଲାର ରମେଶ ଚନ୍ଦ୍ର ଚ୍ୟାଉ ପଟ୍ଟନାୟକ, ପ୍ରଦୀପ ପାଣିଗ୍ରାହୀ, ଚନ୍ଦ୍ର ଶେଖର ସାହୁ ଓ ବିକ୍ରମ ପଣ୍ଡା ପ୍ରମୁଖ ଉପସ୍ଥିତ ରହିଛନ୍ତି ।
ପ୍ରଥମ ପର୍ଯ୍ୟାୟ ଏପ୍ରିଲ ୧୧ ତାରିଖରେ ବ୍ରହ୍ମପୁର, କୋରପୁଟ, ନବରଙ୍ଗପୁର ଓ କାଳାହାଣ୍ଡି ଲୋକସଭା ଆସନ ଓ ଏଥି ଅନ୍ତର୍ଗତ ବିଧାନସଭା ଆସନରେ ଭୋଟଗ୍ରହଣ ହେବ । ତେଣୁ ଏହି ଆସନଗୁଡିକର ସମ୍ଭାବ୍ୟ ପ୍ରାର୍ଥୀ ନେଇ ବିଜେଡିରେ ଅଙ୍କକଷା ·ଲିଛି । ଆସନ୍ତା ୧୮ ତାରିଖରେ ପ୍ରାର୍ଥୀ ପତ୍ର ଦାଖଲ ପାଇଁ ବିଜ୍ଞପ୍ତି ପ୍ରକାଶ ପାଇବ । ଆଉ କିଛି ଦିନ ମଧ୍ୟରେ ସମସ୍ତ ଦଳ ପ୍ରାର୍ଥୀ ମାନଙ୍କ ତାଲିକା ଘୋଷଣା କରିବେ । ମୁଖ୍ୟମନ୍ତ୍ରୀ କହିଥିଲେ ଯେ ବିଜୟ ସମ୍ଭାବନା ଥିବା ପ୍ରାର୍ଥୀଙ୍କୁ ହିଁ ଟିକେଟ ମିଳିବ । ସେହିପରି ଖୁବ୍ ଶୀଘ୍ର ବିଜେଡି ତାର ପ୍ରାର୍ଥୀ ତାଲିକା ଘୋଷଣା କରିବ ବୋଲି ମୁଖ୍ୟମନ୍ତ୍ରୀ ଗତକାଲି କହିଥିଲେ । ତେଣୁ ନବୀନ ନିବାସରେ ନେତାଙ୍କ ଭିଡ ଲାଗିଛି । ତେବେ କାହାକୁ ଟିକେଟ୍ ମିଳିବ ତାହାରି ଉପରେ ସମସ୍ତଙ୍କ ନଜର ରହିଛି ।
