ନନ୍ଦୀଗ୍ରାମ ବିଧାନସଭା ଆସନରେ ଜିତିଲେ ଶୁଭେନ୍ଦୁ, ମମତା ହାରିଗଲେ
ନନ୍ଦୀଗ୍ରାମ ବିଧାନସଭା ଆସନରେ ଜିତିଲେ ଶୁଭେନ୍ଦୁ, ମମତା ହାରିଗଲେ
admin
4301
କୋଲକାତା : ନନ୍ଦୀଗ୍ରାମରେ ହାରିଗଲେ ଟିଏମସି ସୁପ୍ରିମୋ ମମତା ବାନାର୍ଜୀ । ସେ ନିଜର ପ୍ରତିଦ୍ୱନ୍ଦ୍ୱୀ ତଥା ବିଜେପି ନେତା ଶୁଭେନ୍ଦୁ ଅଧିକାରୀଙ୍କ ଠାରୁ ୧୯୫୩ ଭୋଟରେ ହାରିଯାଇଛନ୍ତି । ତେବେ ସେ ୧୨ ଶହ ଭୋଟରେ ବାଜିମାତ କରିଥିଲେ ବୋଲି ପୂର୍ବରୁ ଖବର ପ୍ରସାରିତ ହୋଇଥିଲା । ଅନେକ ଜାତୀୟ ଗଣମାଧ୍ୟମରେ ଏହି ଖବର ପ୍ରକାଶ ପାଇଥିଲା ।
ନନ୍ଦୀଗ୍ରାମରେ ମମତା ହାରି ଯାଇଥିଲେବି ପଶ୍ଚିମବଙ୍ଗରେ ତୃଣମୂଳ କଂଗ୍ରେସ ବୃହତ ବିଜୟ ହାସଲ କରିବାକୁ ଯାଉଛି । ପଶ୍ଚିମବଙ୍ଗରେ ଟିଏମସି ୨୧୯ ଆସନରେ ଆଗୁଆ ଥିବାବେଳେ ବିଜେପି ୭୧ ଆସନରେ ଆଗରେ ରହିଛି । ତେବେ ବଙ୍ଗରେ କଂଗ୍ରେସ ଓ ବାମଦଳ ମୂଳପୋଛ ହୋଇଯାଇଛି ।
ମମତା ନିଜ ମୂଳ ଆସନ ଛାଡ଼ି ଜିଦରେ ନନ୍ଦୀଗ୍ରାମରେ ଲଢ଼ିଥିଲେ । ଆଜି ଦିନ ତମାମ ସମସ୍ତଙ୍କ ନଜର ନନ୍ଦୀଗ୍ରାମ ଉପରେ ଥିଲା । ଗଣତି ଆରମ୍ଭରୁ ମମତା ପଛରେ ପଡ଼ିଯାଇଥିଲେ । ତେବେ ପରେ ସେ ପୁଣି ଅଗ୍ରଣୀ ଲାଭ କରିଥିଲେ । ତେବେ ଶେଷ ରାଉଣ୍ଡର ଫଳାଫଳ ସମସ୍ତଙ୍କୁ ଚକିତ କରିଦେଇଛି । ପ୍ରଥମେ ସେ ୧୨ ଶହ ଭୋଟରେ ଜିତିଥିବା ନେଇ ଖବର ପ୍ରକାଶ ପାଇଥିବାବେଳେ ପରେ ସେ ୧୯୫୩ ଭୋଟରେ ହାରି ଯାଇଥିବା ନେଇ ଖବର ପ୍ରକାଶ ପାଇଛି । ଏନେଇ ମମତା କହିଛନ୍ତିଯେ, ନନ୍ଦୀଗ୍ରାମର ଫଳାଫଳକୁ ନେଇ କେହି ଚିନ୍ତିତ ହେବା ଦରକାର ନାହିଁ । ବାଂଲାବାସୀ ଟିଏମସି ଉପରେ ପୁଣି ଭରସା ପ୍ରକଟ କରିଥିବାରୁ କୃତଜ୍ଞତା ଜ୍ଞାପନ କରିଛନ୍ତି ।
