ମାଟି୍ରକ ପରୀକ୍ଷାର୍ଥୀଙ୍କ ପାଇ ଖୁସି ଖବର: ମାଟ୍ରିକ ଫର୍ମ ପୂରଣ ଅବଧି ବଢିଲା
ମାଟି୍ରକ ପରୀକ୍ଷାର୍ଥୀଙ୍କ ପାଇ ଖୁସି ଖବର: ମାଟ୍ରିକ ଫର୍ମ ପୂରଣ ଅବଧି ବଢିଲା
admin
6522
ଭୁବନେଶ୍ୱର: ମାଟ୍ରିକ ପରୀକ୍ଷା ପାଇଁ ଫର୍ମ ପୂରଣ ଅବଧି ଆଉ ୨ ଦିନ ବଢିଛି । ଏହି ଫର୍ମ ପୂରଣ ଆସନ୍ତା ୧୨ ତାରିଖ ମଧ୍ୟରାତ୍ର ଯାଏଁ କରାଯାଇପାରିବ ବୋଲି ଘୋଷଣା କରାଯାଇଛି । ଏବର୍ଷ ମାଟ୍ରିକ ପରୀକ୍ଷାର୍ଥୀଙ୍କ ପାଇଁ ସବୁ ପ୍ରକାର ପଦକ୍ଷେପ ଦିଆଯାଇଛି । ଯେଉଁ ପିଲା ଫର୍ମ ପୂରଣ କରି ନଥିବେ ସେମାନେଙ୍କ ପାଇଁ ୧୨ ତାରିଖ ପର୍ଯ୍ୟନ୍ତ ସମୟ ରହିଛି । ପିଲା କରି ନଥିଲେ ଅନୁଷ୍ଠାନ ମୁଖ୍ୟ ଫର୍ମ ପୂରଣ କରି ପାରିବେ । ଅବଧି ବୃଦ୍ଧି ନେଇ ମାଧ୍ୟମିକ ଶିକ୍ଷା ବୋର୍ଡ ପକ୍ଷରୁ ସୂଚନା ଦିଆଯାଇଛି ।
ସୂଚନାଯୋଗ୍ୟଯେ, ଗତକାଲି ରାଜ୍ୟ ସରକାରଙ୍କ ପକ୍ଷରୁ ଏକ ବଡ଼ ଘୋଷଣା କରାଯାଇଥିଲା । :୨୦୧୯-୨୦ ଶିକ୍ଷାବର୍ଷ ନବମ ଶ୍ରେଣୀରେ ପଢ଼ୁଥିବା ଛାତ୍ରଛାତ୍ରୀ ୨୦୨୧ ମେ ମାସରେ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ବାର୍ଷିକ ସାର୍ଟିଫିକେଟ ପରୀକ୍ଷା ଦେଇପାରିବେ ବୋଲି ରାଜ୍ୟ ସରକାର ଘୋଷଣା କରିଛନ୍ତି । ଏହା ସବୁ ଓଡିଆ ମାଧ୍ୟମ ପିଲାଙ୍କ ପାଇଁ ପ୍ରଯୁଜ୍ୟ ହେବ ।
ସୂଚନାଯୋଗ୍ୟଯେ, କୋଭିଡ ଯୋଗୁଁ ରାଜ୍ୟର ସବୁ ଶିକ୍ଷାନୁଷ୍ଠାନ ମାର୍ଚ୍ଚ ୨୦୨୦ରୁ ବନ୍ଦ ରହିଥିଲା । ତେଣୁ ନବମ ଶ୍ରେଣୀର ବାର୍ଷିକ ପରୀକ୍ଷା ଅନୁଷ୍ଠିତ ହୋଇପାରିନଥିଲା । ପରବର୍ତୀ ସମୟରେ ୨୦୨୧ ଜାନୁଆରୀରୁ ଦଶମ ଓ ଦ୍ୱାଦଶ ଶ୍ରେଣୀ ପିଲାଙ୍କୁ ପରୀକ୍ଷା ପାଇଁ ପ୍ରସ୍ତୁତ କରିବା ପାଇଁ କୋଭିଡ ନିୟମାବଳୀ ପାଳନ କରି ସ୍କୁଲ ଖୋଲାଯାଇଛି । ତଥାପି ପିଲାମାନଙ୍କର ମାନସିକ ଚାପକୁ ଦୃଷ୍ଟିରେ ରଖି ସରକାର ଏହି ନିଷ୍ପତି ନେଇଛନ୍ତି । ପିଲାମାନଙ୍କ ଆବଶ୍ୟକତାକୁ ଭିତି କରି ସେମାନଙ୍କ ସନେ୍ଦହ ଦୂର କରିବା ପାଇଁ ସ୍ୱତନ୍ତ୍ର କ୍ଲାସ ମଧ୍ୟ ବିଦ୍ୟାଳୟ ସ୍ତରରେ କରାଯିବ ।
ସେହିପରି ଇତିମଧ୍ୟରେ ପରୀକ୍ଷା ପାଇଁ ମଧ୍ୟ ତାରିଖ ଘୋଷଣା କରାଯାଇଛି ।
ମେ’ ୩ରୁ ମେ’ ୧୫ ପର୍ଯ୍ୟନ୍ତ ମାଟ୍ରିକ ପରୀକ୍ଷା ଅନୁଷ୍ଠିତ ହେବ । ଏନେଇ ବୋଡର଼୍ ପକ୍ଷରୁ ପୂର୍ବରୁ ଘୋଷଣା କରାଯାଇଥିବାବେଳେ ଆଜି କେଉଁ ଦିନ କେଉଁ ବିଷୟରେ ପରୀକ୍ଷା ହେବ ସେନେଇ ସୂଚନା ଦିଆଯାଇଛି ।
ମେ’- ୩ : ପ୍ରଥମ ଭାଷା - ଓଡ଼ିଆ
ମେ’- ୫ : ଦ୍ୱିତୀୟ ଭାଷା - ଇଂରାଜୀ
ମେ’ ୭ : ତୃତୀୟ ଭାଷା - ହିନ୍ଦୀ
ମେ’ ୮ : ତୃତୀୟ ଭାଷା - ସଂସ୍କୃତ
ମେ’ ୧୦ : ଗଣିତ
ମେ’ ୧୨ : ବିଜ୍ଞାନ
ମେ’ ୧୫ : ସାମାଜିକ ବିଜ୍ଞାନ
ପ୍ରତିଦିନ ସକାଳ ୮ରୁ ୧୦ ଯାଏଁ ପରୀକ୍ଷା ହେବ । ତେବେ ଗଣିତ ପରୀକ୍ଷା ଦିନ ଅଧିକ ୧୫ ମିନିଟ ସମୟ ମିଳିବ । ୭ଟା ୪୫ରେ ପରୀକ୍ଷାର୍ଥିୀଙ୍କୁ ଉଭୟ ଅବଜେକ୍ଟିଭ ଓ ସବଜେକ୍ଟିଭ ପ୍ରଶ୍ନ ପତ୍ର ବଂଟନ କରାଯିବ । ଅବଜେକ୍ଟିଭ ସକାଳ ୮ଟାରୁ ୯ଟା ଓ ସବଜେକ୍ଟିଭ ୯ଟାରୁ ୧୦ଟା ହେବ ।
