ଦୀପାବଳିରେ କାଉଁରିଆ କାଠି ଜଳାଇ ପିତୃପୁରୁଷଙ୍କୁ ଦିଆଯାଏ ସମ୍ମାନ
ଦୀପାବଳିରେ କାଉଁରିଆ କାଠି ଜଳାଇ ପିତୃପୁରୁଷଙ୍କୁ ଦିଆଯାଏ ସମ୍ମାନ
admin
ଭୁବନେଶ୍ୱର: ଆନନ୍ଦ, ଉତ୍ସାହର ପର୍ବ ଦୀପାବପଳି। ଆଲୋକର ପର୍ବ ଦୀପାବଳି। ନୈରାଶ୍ୟ ଓ ଅନ୍ଧକାର ଦୂର କରିଥାଏ ଏହି ଉତ୍ସବ। ପିତୃଗଣଙ୍କ ଦିଆଯାଇଥାଏ ଶ୍ରଦ୍ଧା ଓ ସମ୍ମାନ। ଏହି ଦିନ ସମସ୍ତ ଦୁଃଖ କଷ୍ଟ ଭୁଲି ପରିବାର, ବନ୍ଧୁ ପରିଜନଙ୍କ ସହିତ ଆନନ୍ଦ, ଉଲ୍ଲାସରେ ସମୟ ଅତିବାହିତ କରିବାର ବେଳ । ଅମାବାସ୍ୟାର ଅନ୍ଧାରକୁ ଏଡାଇ ଦେଇ ପରିବେଶକୁ କିଛି ସମୟ ଆଲୋକିତ କରିବା ପାଇଁ ଏହା ଛୋଟ ପ୍ରୟାସ ଅଟେ ।
ଧାର୍ମିକ ଭାବନାରେ ଏହି ଦିନ ଏକ ସ୍ୱତନ୍ତ୍ର ପରିଚୟ ବହନ କରେ । ଏହି ଦିନ ପିତୃପୁରୁଷଙ୍କୁ ପୟା ଶ୍ରାଦ୍ଧ ସଂପନ୍ନ ପୂର୍ବକ ସମ୍ମାନ ପ୍ରଦର୍ଶନ କରାଯାଇଥାଏ । ଏହି ଦିନ ସମସ୍ତଙ୍କ ଉଦେ୍ଧଶ୍ୟରେ ସମଷ୍ଟି ପଦାର୍ଥ ସହ ପ୍ରଜ୍ୱଳିତ ଦୀପଦାନ କରାଯାଏ । ଋଷିଗଣ, ଶ୍ରାଦ୍ଧ, ତର୍ପଣ, ଦୀପଦାନ ନିମି , ଆଶ୍ୱିନ ଓ କା ିର୍କ ମାସକୁ ଉପାସନା କାଳ ରୂପେ ବଣ୍ଣନା କରିଛନ୍ତି ।
ଏପରିକି ଯେଉଁମାନେ ମନ୍ତ୍ର ଉଚ୍ଚାରଣ ଜାଣି ନାହାଁନ୍ତି, ସେମାନେ କାଉଁରିଆ କାଠି ଜାଳି ବଡବଡୁଆଙ୍କୁ ସ୍ମରଣ କରିଥାନ୍ତି । ଦୀପାବଳୀ ରାତିରେ ବଡବଡୁଆଙ୍କ ଉଦେ୍ଧଶ୍ୟରେ ପ୍ରତ୍ୟେକ ଘରୁ ସେମାନଙ୍କ ବଂଶଧର ତଥା ଆତ୍ମିୟଙ୍କ କଣ୍ଠରୁ ନିଃସୃତ ହୁଏ ବଡ ବଡୁଆ ହୋ, ଅନ୍ଧାରରେ ଆସି ଆଲୁଅରେ ଯାଓ । କର୍ମ କାଣ୍ଡରେ କୁହାଯାଇଛି- 'ପିତୃଲୋକଂ ପରିତ୍ୟଜ୍ୟ ଆଗତେ ଯେ ମହାଳୟେ, ଉଜ୍ୱଳଂ ଜ୍ୟୋତିଷାଂ ମାର୍ଗଂ ପ୍ରପଶ୍ୟନ୍ତେ ବ୍ରଜନ୍ତୁ ତେ',- ଅର୍ଥାତ ପିତୃ ଲୋକ ତ୍ୟାଗ କରି ମହାଳୟାରେ ଯେଉଁମାନେ ଆସିଥିଲେ, ସେହିମାନେ ଏହି ଆଲୋକିତ ମାର୍ଗ ଦର୍ଶନ କରନ୍ତୁ । ଅନ୍ତଃକରଣର ଶ୍ରଦ୍ଧା ସହିତ ପୂର୍ବ ପୁରୁଷଙ୍କ ତୃପ୍ତି ନାମକ ଶ୍ରାଦ୍ଧ ତର୍ପଣାଦି କର୍ମ ସମ୍ପାଦନ କରିବା ଦ୍ୱାରା ପିତୃଗଣ ଆତ୍ମସନ୍ତୋଷ ଲାଭ ପୂର୍ବକ ପୁନର୍ବାର ପିତୃଲୋକକୁ ଫେରି ଯାଆନ୍ତି । ସେମାନଙ୍କ ଆଶୀର୍ବାଦ ପରିବାର ପକ୍ଷରେ କଲ୍ୟାଣକାରୀ ହୋଇଥାଏ ।
