କରୋନା ବିରୋଧରେ ଭାରତକୁ ସମ୍ପୂର୍ଣ୍ଣ ବିଜୟ ହାସଲ କରିବାକୁ ପଡ଼ିବ : ମୋହନ ଭାଗବତ
କରୋନା ବିରୋଧରେ ଭାରତକୁ ସମ୍ପୂର୍ଣ୍ଣ ବିଜୟ ହାସଲ କରିବାକୁ ପଡ଼ିବ : ମୋହନ ଭାଗବତ
admin
6613
ନୂଆଦିଲ୍ଲୀ: କରୋନା ମହାମାରୀ ପ୍ରଥମ ଲହର ପରେ ଜନସାଧାରଣ, ପ୍ରଶାସନ ଏବଂ ସରକାର ବେପରୁଆ ହୋଇଯାଇଥିଲେ । ଏବେ କରୋନା ବିରୋଧରେ ଭାରତକୁ ସମ୍ପୂର୍ଣ୍ଣ ବିଜୟ ହାସଲ କରିବାକୁ ପଡ଼ିବ ବୋଲି ରାଷ୍ଟ୍ରୀୟ ସ୍ୱୟଂ ସେବକ ସଂଘ (ଆରଏସଏସ) ମୁଖ୍ୟ ମୋହନ ଭାଗବତ କହିଛନ୍ତି । ଆରଏସଏସ ପକ୍ଷରୁ ଆୟୋଜିତ ‘ପଜିଟିଭିଟି’ ଅନଲିମିଟେଡ’ ବକ୍ତୃତାମାଳାରେ ଉଦବୋଧନ ଦେଇ ଭାଗବତ କହିଛନ୍ତି, ପ୍ରଥମ ଲହର ପରେ ଯଦି ସବୁ ସ୍ତରରେ ସତର୍କତା ଅବଲମ୍ବନ କରାଯାଇଥାନ୍ତା ତା ହେଲେ ପରିସ୍ଥିତି ଭିନ୍ନ ହୋଇଥାନ୍ତା । ଦ୍ୱିତୀୟ ଲହର ଆସିବ ବୋଲି ଆମେ ସମସ୍ତେ ଜାଣିଥିଲେ । ଡାକ୍ତରମାନେ ଆମକୁ ସତର୍କ ମଧ୍ୟ କରାଇ ଦେଇଥିଲେ । ତଥାପି ଆମେ ଅବହେଳା କରିଥିଲେ ବୋଲି ସେ କହିଛନ୍ତି । ଦ୍ୱିତୀୟ ଲହର ପରେ ତୃତୀୟ ଲହର ଆସିବ ବୋଲି ଏବେ ସତର୍କ କରାଯାଉଛି । ତେବେ ଏହାକୁ ନ ଡରି ଏହା ବିରୋଧରେ ଲଢ଼ିବା ପାଇଁ ଉପଯୁକ୍ତ ଆଚରଣ ଦେଖାଇବା ସହିତ ଭୂତାଣୁ ବିରୋଧରେ ଜିତିବାକୁ ସେ ପରାମର୍ଶ ଦେଇଛନ୍ତି । ଭାରତ ସମ୍ମୁଖୀନ ହୋଇଥିବା ଅସୁବିଧାକୁ ନ ଡରି ସମ୍ଭାବ୍ୟ ତୃତୀୟ ଲହରକୁ ସାମ୍ନା କରିବା ଲାଗି ଲୋକମାନେ ସେମାନଙ୍କ ଭିତରେ ଆତ୍ମ ବିଶ୍ୱାସ ବଢ଼ାଇବା ପାଇଁ ସେ ଉତ୍ସାହିତ କରିଛନ୍ତି ।
