ଅର୍ଥମନ୍ତ୍ରୀ ଭାବେ ସର୍ବାଧିକ ୧୦ ଥର ବଜେଟ ଆଗତ କରିଛନ୍ତି ମୋରାରଜୀ ଦେଶାଇ

Feb 1, 2021 - 06:41 Updated: Feb 1, 2021 - 06:41

5195

ନୂଆଦିଲ୍ଲୀ : ଅର୍ଥମନ୍ତ୍ରୀ ଭାବେ ସର୍ବାଧିକ ୧୦ ଥର ବଜେଟ ଆଗତ କରିଛନ୍ତି ମୋରାରଜୀ ଦେଶାଇ । ତାଙ୍କ ଏପର୍ଯ୍ୟନ୍ତ ବି ଅତୁଟ ରହିଛି । ସେହିପରି ମନମୋହନ ସିଂହ ଅର୍ଥମନ୍ତ୍ରୀ ଭାବେ ସର୍ବାଧିକ ୧୮୬୫୦ ଶବ୍ଦର ବଜେଟ ଉପସ୍ଥାପିତ କରି ରେକଡର଼୍ ସୃଷ୍ଟି କରିଥିଲେ । ୧୯୯୧ରେ ସେ ଏହି ବଜେଟ ଉପସ୍ଥାପିତ କରିଥିଲେ । ସେହିପରି ପି. ଚିଦାମ୍ବରମ ୯ଥର, ପ୍ରଣବ ମୁଖାର୍ଜୀ ୮ ଥର ବଜେଟ ଉପସ୍ଥାପିତ କରିଥିଲେ । ଅପରପକ୍ଷରେ ଡକ୍ଟର ମନମୋହନ ସିଂହ ୬ ଥର, ଯଶୋବନ୍ତ ସିହ୍ନା ୬ ଥର, ସିଡ଼ି ଦେଶମୁଖ, ୱାଇବି ଚଭବନ ଓ ଅରୁଣ ଜେଟଲୀ ୫ ଥର ଲେଖାଏଁ ବଜେଟ ଉପସ୍ଥାପିତ କରିଛନ୍ତି । ଅପରପକ୍ଷରେ ଟିଟି କୃଷ୍ଣମାଚାରୀ ୪, ରାମସ୍ୱାମୀ ଭେଙ୍କଟରମନ ୩ ଓ ଏଚଏମ ପଟେ ୩ ଥର ବଜେଟ ଉପସ୍ଥାପନ କରିଥିବାବେଳେ ଜନ ମାଥାଇ, ଇନ୍ଦିରା ଗାନ୍ଧୀ, ସି ସୁବ୍ରମଣ୍ୟମ, ଭିପି ସିଂହ, ନିର୍ମଳା ସୀତାରମନ ଓ ଆରକେ ସାନମୁଖମ ଚେଟ୍ଟି ଦୁଇ ଥର ଲେଖାଏଁ ବଜେଟ ଉପସ୍ଥାପିତ କରିସାରିଛନ୍ତି । ନିର୍ମଳା ଆଜି ତୃତୀୟ ଥର ପାଇଁ ବଜେଟ ଉପସ୍ଥାପିତ କରିବେ । ଏହାଛଡ଼ା ଜବାହାରଲାଲ ନେହେରୁ, ସଚ୍ଚିନ୍ଦ୍ର ଚୌଧୁରୀ, ଚରଣ ସିଂହ, ରାଜୀବ ଗାନ୍ଧୀ, ଏନଡ଼ି ତିୱାରୀ, ଏସବି ଚଭନ, ମଧୁ ଦଣ୍ଡବତେ ଓ ପୀୟୂଷ ଗୋଏଲ ଥରେ ଲେଖାଏଁ ବଜେଟ ଉପସ୍ଥାପନ କରିଛନ୍ତି ।