ଆଜିଠୁ ଆରମ୍ଭ ପ୍ରେମ ଋତୁ । ଧୁମଧାମରେ ଚାଲିଛି ସେଲିବ୍ରେସନ୍
ଆଜିଠୁ ଆରମ୍ଭ ପ୍ରେମ ଋତୁ । ଧୁମଧାମରେ ଚାଲିଛି ସେଲିବ୍ରେସନ୍
admin
4135
ଆଜିଠୁ ଆରମ୍ଭ ସପ୍ତମ ଋତୁ । ସପ୍ତମ ଋତୁକୁ ପ୍ରେମ ଋତୁ ବୋଲି କୁହାଯାଏ । ତେବେ ଏହାକୁ ଭାଲେନ୍ଟାଇନ୍ ୱିକ୍ ମଧ୍ୟ କୁହାଯାଏ । ଏହି ସପ୍ତାହ ଅପେକ୍ଷାରେ ଥିବା ଲୋକଙ୍କର ଏବେ ଅପେକ୍ଷାର ଅନ୍ତ ଘଟିଛି । ଆଜିଠାରୁ ସାରା ବିଶ୍ୱରେ ରୋଜ ଡେ ସେଲିବ୍ରେସନ ସହ ଆରମ୍ଭ ହୋଇଯାଇଛି ଭାଲେଂଟାଇନ୍ ସପ୍ତାହ ।
ଆଖିରେ ଆଖିଏ ସ୍ୱପ୍ନ । ମନରେ ଅସୁମାରୀ ଆଶା । ମନ ଭିତରେ ଚାପି ହୋଇ ରହିଛି ଅନେକ ଅକୁହା କଥା । ଏହାସହିତ ପ୍ରେମ ଅତିତରେ ଥିଲା, ଆଜି ଅଛି, ଆସନ୍ତାକାଲି ବି ରହିବ । ସୂର୍ଯ୍ୟ ଚନ୍ଦ୍ର, ଈଶ୍ୱର ଭଳି ପ୍ରେମ ହେଉଛି ନୀଳ ଆକାଶରେ ଶାନ୍ତ ଚନ୍ଦ୍ରରେଖା । ପ୍ରେମ ହେଉଛି ଅସରନ୍ତୀ ଅନ୍ତାକ୍ଷର, କମା ଶୂନ୍ୟ କବିତା । ଯାହା କେବେ ସରେନି । ବରଂ ମାଡି ଚାଲେ ଆଗକୁ ଆଉ ଆଗକୁ । ପ୍ରେମ ସପ୍ତାହ ଆସିବା ପୂର୍ବରୁ ମନରେ ଥାଏ କେବେ ପ୍ରଥମ ଦିବସ ଆସିବ, ଆଉ ମଣିଷ ଗୋଟେ ଗୋଲାପ ଦେଇ ପ୍ରେମର ନିବେଦନ କରିବ । ସଂପର୍କର ଆରମ୍ଭ ଫୁଲରୁ ହେଲେ ସଂପର୍କ ଫୁଲ ପରି ଝଲସି ଉଠେ ବୋଲି ବିଶ୍ବାସରେ ଗୋଲାପ ଦିବସ ବା ରୋଜ୍ ଡେ’ରୁ ହିଁ ପ୍ରେମ ସପ୍ତାହର ଆରମ୍ଭ। ଫୁଲରୁ ସଂପର୍କ ଆରମ୍ଭ ପରେ ନିଜର ମନର ମଣିଷଙ୍କୁ ପର ଦିନ ପ୍ରେମ ପ୍ରସ୍ତାବ ଦେଇ ନିଜ ସଂପର୍କକୁ ଆହୁରି ମଜବୁତ୍ କରାଯାଇପାରେ। ଛୋଟ ଛୋଟ ଉପହାର ପ୍ରେମକୁ ଆହୁରି ରଂଗୀନ କରିଥାଏ ଯେହେତୁ ସେଥିପାଇଁ ଚକୋଲେଟ୍ ଓ ଟେଡ୍ଡି ଡେ’ର ଉପହାର ଦେବାର ଅବସରଟିଏ ମିଳିଥାଏ ପ୍ରେମୀମାନଙ୍କୁ। ସଂପର୍କର ସବୁଠାରୁ ବଡ଼ ତଥା ସବଳତା ହେଉଛି ପରସ୍ପର ପ୍ରତି ଏକମନ ହୋଇ ରହିବାର ପ୍ରତିଜ୍ଞା, ଯାହାକି ପରଦିନ ପ୍ରେମୀଯୁଗଳ ନିଭାଇଥାନ୍ତି।
ଭାଲେନ୍ଟାଇନ୍ ସପ୍ତାହକୁ ଧୁମ୍ଧାମ୍ରେ ପାଳନ କରିବା ପାଇଁ ଆରମ୍ଭ ହୋଇଛି ଜୋରଦାର ପ୍ରସ୍ତୁତି । ବିଭିନ୍ନ କଲେଜ ଓ ପାର୍କ ପରିସରରେ ପ୍ରେମୀ ଯୁଗଳଙ୍କ ମେଳି ଜମିଛି । ପ୍ରତି ମୂହୁର୍ତକୁ ମନର ମଣିଷ ପାଇଁ କିଏ କେତେ ସ୍ପେଶାଲ କରିପାରିବ, ସେଥିପାଇଁ ଚାଲିଛି ପ୍ରତିଯୋଗୀତା । କିଏ ଗିଫ୍ଟ ଓ କାର୍ଡ ଦଉଛି, ତ କିଏ ସରପ୍ରାଇଜ୍ ଦେବା ପାଇଁ ପ୍ଲାନିଂ କରୁଛି । ମନର ମଣିଷକୁ କ’ଣ ଉପହାର ଦେବେ, କେମିତି ନିଜ ପ୍ରେମର ନିବେଦନ କରିବେ ସେଥିପାଇଁ ମନରେ ଚାଲିଛି ଅନେକ ଚିନ୍ତା ।
