ଏହି ଭାରତୀୟ ବୋଲରଙ୍କ ପ୍ରଶଂସାରେ ଶତମୁଖ ଜଣ୍ଟି ରୋଡ୍ସ
ଏହି ଭାରତୀୟ ବୋଲରଙ୍କ ପ୍ରଶଂସାରେ ଶତମୁଖ ଜଣ୍ଟି ରୋଡ୍ସ
admin
6729
ଦୁବାଇ : ଭାରତୀୟ ପେସ ବୋଲର ମହମ୍ମଦ ସାମିଙ୍କ ପ୍ରଶଂସାରେ ଶତମୁଖ ହୋଇଛନ୍ତି ଜଣ୍ଟି ରୋଡ୍ସ । ଦକ୍ଷିଣ ଆଫ୍ରିକାର ଏହି ପୂର୍ବତନ ଖେଳାଳି ବର୍ତ୍ତମାନ ଆଇପିଏଲରେ କିଙ୍ଗସ ଇଲେଭେନ୍ ଦଳର ଫିଲ୍ଡିଂ କୋଚର ଭୂମିକା ନିର୍ବାହ କରୁଛନ୍ତି । ସାମି ନିଜର ଫିଟନେସ୍ ଜରିଆରେ ଦଳର ଯୁବ ଖେଳାଳିଙ୍କୁ ଅନୁପ୍ରାଣିତ କରୁଛନ୍ତି ବୋଲି ରୋଡ୍ସ କହିଛନ୍ତି । କେବଳ ସାମି ନୁହନ୍ତି ଅନ୍ୟ ଖେଳାଳି ମାନଙ୍କ ମଧ୍ୟରେ କେ ଏଲ ରାହୁଲ ଏବଂ କରୁଣ ନାୟାର ମଧ୍ୟ ଅନେକ ଖେଳାଳିଙ୍କୁ ଅନୁପ୍ରାଣିତ କରିଛନ୍ତି ।
ପୂର୍ବରୁ କୁମ୍ବଲେ ଦଳର ମୁଖ୍ୟ କୋଚ ରହିଥିବା ବେଳେ ବର୍ତ୍ତମାନ ୱାସିମ ଜାଫର, ଆଣ୍ଡି ଫ୍ଲାୱାର ଏବଂ ଜଣ୍ଟି ରୋଡ୍ସ ଅନ୍ୟାନ୍ୟ ସହକାରୀ କୋଚ ଭାବରେ ଦାୟିତ୍ୱ ଗ୍ରହଣ କରିଛନ୍ତି । ଆସନ୍ତା ସେପ୍ଟେମ୍ବର ୧୯ରୁ ଆଇପିଏଲ ଆରମ୍ଭ ହେବାକୁ ଯାଉଛି । ତେବେ ଯୁବ ଖେଳାଳିଙ୍କୁ ସର୍ବଦା ବରିଷ୍ଠ ଖେଳାଳି ଅନୁପ୍ରାଣିତ କରିବା ଆବଶ୍ୟକ । ସାମି ଯେଉଁପରି ଭାବରେ ନେଟ୍ସରେ ବୋଲିଂ କରୁଛନ୍ତି ଏହା ତାଙ୍କୁ ଅନେକ ଯୁବ ଖେଳାଳିଙ୍କ ଆଦର୍ଶ ଭାବରେ ଛିଡା କରିଛି । ଏପରି କହିବା ସହିତ କିଙ୍ଗସ ଇଲେଭେନ୍ ଟ୍ୱିଟ୍ଟର ପେଜରେ ନିଜର ଭିଡିଓ ସେୟାର କରିଛନ୍ତି ଜଣ୍ଟି ରୋଡ୍ସ ।
