କରୋନା କାଳରେ ଷ୍ଟ୍ରେସ ଏନଜାଇଟରୁ ବଂଚିବା ପାଇଁ କେତେ ଲାଭଦାୟକ ମ୍ୟୁଜିକ
କରୋନା କାଳରେ ଷ୍ଟ୍ରେସ ଏନଜାଇଟରୁ ବଂଚିବା ପାଇଁ କେତେ ଲାଭଦାୟକ ମ୍ୟୁଜିକ
admin
4741
କରୋନା ଭାଇରସ ପାଇଁ ସାରା ଦୁନିଆରେ ସମସ୍ତେ ସମସ୍ତଙ୍କଠାରୁ ସାମାଜିକ ଦୂରତା ବଜାୟ ରଖିବାକୁ ଅପିଲ କରାଯାଉଛି । ଯାହାଫଳରେ ଭାଇରସ ସଂକ୍ରମଣକୁ ନିୟନ୍ତ୍ରଣରେ ରଖାଯାଇପାରିବ । ମହାମାରୀ ପାଇଁ ଅର୍ଥବ୍ୟବସ୍ଥା ମଧ୍ୟ ଠପ୍ ହୋଇପଡିଛି । ସ୍କୁଲ, କଲେଜ, ଦପ୍ତର ବନ୍ଦ ରହିଛି । ଏତିକି ନୁହେଁ, ପାର୍ଟି, ଫଙ୍କସନ ଏବଂ ବିବାହ କାର୍ୟ୍ୟକ୍ରମରେ ଲୋକଙ୍କ ଗହଳି ଉପରେ ପ୍ରତିବନ୍ଧକ ରହିଛି । ଏକ୍ସପର୍ଟଙ୍କ କହିବାନୁସାରେ, ଘରେ କଏଦ ହୋଇ ରହିଥିବା ଲୋକଙ୍କ ମଧ୍ୟରେ ମାନସିକ ପରିବର୍ତନ ପରିଲକ୍ଷିତ ହେଉଛି । ଏକଲାପଣ ହେବାରୁ ସେମାନେ ଚାପଗ୍ରସ୍ତ ହେଉଛନ୍ତି । ଏଥିରୁ ବର୍ତିବା ପାଇଁ ସେମାନଙ୍କୁ ସୁସ୍ଥ ଡାଏଟ, ଏକ୍ସରସାଇଜ ଓ ପର୍ୟ୍ୟାପ୍ତ ମାତ୍ରାରେ ଶୋଇବା ପାଇଁ ପରାମର୍ଶ ଦିଆଯାଏ । ହେଲେ ଆପଣ ଜାଣିଛନ୍ତି କି ଏମିତି ପରିସ୍ଥିତିରେ ମ୍ୟୁଜିକ ଆପଣଙ୍କ ପାଇଁ କେମିତି ଲାଭକାରୀ ସାବ୍ୟସ୍ତ ହୋଇଥାଏ ।
ଏକ୍ସପର୍ଟ କୁହନ୍ତି, ମ୍ୟୁଜିକ ଶୁଣିବା ଦ୍ୱାରା ଏହାର ସୁପ୍ରଭାବ ଶରୀର ଉପରେ ବି ପଡେ । ନିଜର ମାନସିକ ଅବସ୍ଥା ଏବଂ ରକ୍ତ ଚାପ ଏହି ଦୁଇଟିକୁ ଏହା ବାଲାନ୍ସ କରି ରଖିବାରେ ସହାୟକ ହୋଇଥାଏ । ସଂଗୀତର ଧୂନ କାନରେ ପଡିବା ମାତ୍ରେ ଆପଣଙ୍କୁ ଭଲ ଅନୁଭୂତି ଦେଉଥିବା ସେରୋଟୋନିନ ଓ ଏଣ୍ଡୋରୋଫିନ୍ସ ହାର୍ମୋନ ରିଲିଜ ହୋଇଥାଏ । ଫଳରେ ଚାପର ପରିମାଣ କିଛିକାଂଶରେ ହ୍ରାସ ହୋଇଥାଏ ।
ଏହି ବିଷୟରେ ଅନେକ ପ୍ରକାର ରିପୋର୍ଟ ସାମ୍ନାକୁ ଆସିଛି । ଯେଉଁଥିରେ ସ୍ପଷ୍ଟ ଭାବରେ କୁହାଯାଇଛି ଯେ, ମ୍ୟୁଜିକ ଥେରାପି ଦ୍ୱାରା ଷ୍ଟ୍ରେସ ଓ ଏନଜାଇଟ ଭଳି ସମସ୍ୟା ଦୂର ହୋଇଥାଏ ।
