କୁଆଖାଇ ନଦୀରେ ଭାସିଗଲେ ୪ ଜଣ

Mar 13, 2021 - 08:47 Updated: Mar 13, 2021 - 08:47

2398

ଭୁବନେଶ୍ୱର: ଗାଧୋଇବା ବେଳେ କୁଆଖାଇ ନଦୀରେ ଭାସିଗଲେ ୪ ଜଣ। ବାସୁଆଘାଇ ବାଙ୍କୁଆଲ ନିକଟରେ ଘଟିଛି ଏହିଭଳି ଅଭାବନୀୟ ଘଟଣା। ସେମାନଙ୍କ ବୟସ ୭ରୁ ୧୦ ବର୍ଷ ହେବ ବୋଲି ଅନୁମାନ କରାଯାଉଛି। ୪ଜଣଙ୍କ ମଧ୍ୟରୁ ୩ଜଣ କୂଳରେ ଥିଲେ। ଜଣଙ୍କ ଗୋଡ଼ ଖସିଯାଇଥିଲା। ପ୍ରାୟ ୧ଘଣ୍ଟା ଧରି ଅଗ୍ନିଶମ ବାହିନୀ ଅକ୍ଲାନ୍ତ ପରିଶ୍ରମ କରି ୩ଜଣଙ୍କୁ ଉଦ୍ଧାର କରିଛନ୍ତି। ବର୍ତ୍ତମାନ ସୁଦ୍ଧା ଜଣେ ନିଖୋଜ ରହିଛି। ତେବେ ଅନୁମାନ କରାଯାଉଛି କି, କୁଆଖାଇ ନଦୀରେ ବାଲି ଖୋଳା ଯିବା ସମୟରେ ଏକ ବିରାଟକାୟ ଗାଢ଼ା କରାଯାଇଥିଲା। ପିଲାମାନେ ସେଠାରେ ଗାଧାଉଥିବା ସମୟରେ ସେଠାରେ ପଶି ଯାଇଥିଲେ। ତେବେ ୪ଜଣଙ୍କ ମଧ୍ୟରୁ ୩ଜଣଙ୍କୁ ଉଦ୍ଧାର କରାଯାଇଥିବାବେଳେ ଜଣେ ନିଖୋଜ ରହିଥିବା ଜଣାପଡ଼ିଛି। ଅଗ୍ନିଶମ ବାହିନୀ ପକ୍ଷରୁ ଉଦ୍ଧାର କାର୍ୟ୍ୟ ଜାରି ରହିଛି।