ଘରୋଇ କଳିରୁ ନିଷ୍ଠୁର ବାପା ନିଜ ଜନ୍ମକଲା ପୁଅକୁ ଗଳାକାଟି ହତ୍ୟା କଲା
ଘରୋଇ କଳିରୁ ନିଷ୍ଠୁର ବାପା ନିଜ ଜନ୍ମକଲା ପୁଅକୁ ଗଳାକାଟି ହତ୍ୟା କଲା
admin
6670
ଭଦ୍ରକ ସିଟି: ଭଦ୍ରକ ସହର ରାଜଘାଟ ଶନି ମନ୍ଦିର ନିକଟରେ ରବିବାର ଅଘଟଣ ଘଟିଛି । ଘରୋଇ କଳିରୁ ନିଷ୍ଠୁର ବାପା ନିଜ ଜନ୍ମକଲା ପୁଅକୁ ଗଳାକାଟି ହତ୍ୟା ଉଦ୍ୟମ କରିଛି । ପୁଅକୁ ରକ୍ତ ଜୁଡୁବୁଡୁ ଅବସ୍ଥାରେ ପୁଲିସ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି । ଏମିତି ନାରକୀୟ କାଣ୍ଡ ଭିଆଇଥିବା ବାପା ହେଉଛି ଟୁକୁନା ମୁଖୀ । ମାତ୍ର ତାଙ୍କ ପୁଅର ନାମ ଜଣାପଡ଼ିନି । ସୂଚନା ଅନୁସାରେ ରବିବାର ଅପରାହ୍ନ ପ୍ରାୟ ଗୋଟାଏ । ସଟଡାଉନ ଯୋଗୁଁ ଭଦ୍ରକ ସହର ଶନି ମନ୍ଦିର ଛକ ନିକଟରେ ଟାଉନ ଥାନା ଅଧିକାରୀ ଚନ୍ଦନ ଘଡେ଼ଇ ଯାଞ୍ଚ କରୁଥିଲେ । ଏତିକିବେଳେ ଟୁକୁନା ରକ୍ତ ଜୁଡୁବୁଡୁ ଅବସ୍ଥାରେ ସେହି ରାସ୍ତା ଦେଇ ଯାଉଥିଲା । ଏହା ଦେଖି ପୁଲିସ ଅଧିକାରୀ ତାକୁ ଅଟକାଇ ରକ୍ତ ଜୁଡୁବୁଡୁ ସମ୍ପର୍କରେ ପଚାରିଥିଲେ । ତେବେ ତା ବେକକୁ ତା ପୁଅ କାଟି ଦେଇଥିବା ସେ ସଫେଇ ଦେଇଥିଲା । ଏତିକିବେଳେ କେତେକ ଲୋକ ସେଠାରେ ପହଞ୍ଚି ନିଜ ପୁଅର ବେକକୁ ଟୁକୁନା ଧାରୁଆ କାଚରେ କାଟି ଦେଇଥିବା ସୂଚନା ଦେଇଥିଲେ । ଫଳରେ ପୁଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ଶନି ମନ୍ଦିର ନିକଟ କଂଗ୍ରେସ ଭବନ ସମ୍ମୁଖରେ ପଡିଥିବା ରକ୍ତ ଜୁଡୁବୁଡୁ ପୁଅକୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲା । ଅଭିଯୁକ୍ତ ବାପା ଟୁକୁନାକୁ ଥାନାକୁ ଆଣି ପୁଲିସ ଅଟକ ରଖିଥିବା ଜଣାଯାଇଛି ।
