ଛିଣ୍ଡୁନି ବିଜେଡିର ଟିକେଟ ଅଙ୍କ, ଏଯାଏଁ ୯ଟି ଆସନକୁ ଝୁଲେଇ ରଖିଛି ବିଜେଡି
ଛିଣ୍ଡୁନି ବିଜେଡିର ଟିକେଟ ଅଙ୍କ, ଏଯାଏଁ ୯ଟି ଆସନକୁ ଝୁଲେଇ ରଖିଛି ବିଜେଡି
admin
2712
ଭୁବନେଶ୍ବର: ଆସନ୍ତା ଏପ୍ରିଲ ୧୧ରେ ପ୍ରଥମ ପର୍ଯ୍ୟାୟ ନିର୍ବାଚନ । ୪ଟି ଲୋକସଭା ଓ ୨୮ଟି ବିଧାନସଭା କ୍ଷେତ୍ରରେ ମତଦାନ ହେବ । ପ୍ରଥମ ପର୍ୟ୍ୟାୟ ମତଦାନ ପାଇଁ ଆସନ୍ତା ୨୫ ତାରିଖ ମଧ୍ୟରେ ପ୍ରାର୍ଥୀ ପତ୍ର ଦାଖଲ କରିବାକୁ ପଡିବ। କିନ୍ତୁ ଏପଯ୍ୟନ୍ତ ବିଜେଡି ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ୨୮ଟି ବିଧାନସଭା କ୍ଷେତ୍ରରୁ ୯ଟି ଆସନକୁ ଝୁଲାଇ ରଖିଛି । ଝରିଗାଁ, ମାଲକାନଗିରି, ପଟାଙ୍ଗୀ, ବଲାଙ୍ଗୀର, ଲାଂଜିଗଡ, ଲୋଇସିଂହା, ବ୍ରଜରାଜନଗର, ଫୁଳବାଣୀ, ବୀରମିତ୍ରପୁର ପାଇଁ ବିଜେଡି ପ୍ରାର୍ଥୀ ଘୋଷଣା କରିନି । ଏହି ସବୁ ଆସନରେ ବିଜେଡି ସୁପ୍ରିମୋ ନବୀନ ପଟ୍ଟନାୟକ କାହାକୁ ବାଛିବେ ତାକୁ ନେଇ କଳ୍ପନା ଜଳ୍ପନା ଲାଗି ରହିଛି । ସେପଟେ ବିରୋଧୀ ବିଜେପି ଓ କଂଗ୍ରେସରେ ମଧ୍ୟ ସମାନ ସ୍ଥିତି ରହିଛି । ୨୪ ତାରିଖ ରବିବାର ଛୁଟି ଦିନଥିବାରୁ ନାମାଙ୍କନ ଦାଖଲ କରିପାରିବେ ନାହିଁ ପ୍ରାର୍ଥୀ । ଆଜି ଏବଂ ଆସନ୍ତା ସୋମବାର ଦୁଇ ଦିନ ମଧ୍ୟରେ ପ୍ରଥମ ପର୍ଯ୍ୟାୟ ମତଦାନ ପାଇଁ ପ୍ରାର୍ଥୀ ପତ୍ର ଦାଖଲ କରିବାର ସୁଯୋଗ ମିଳିବ । କିନ୍ତୁ ଏବେ ବି ପ୍ରମୁଖ ଦଳମାନଙ୍କରେ ଆଶାୟୀଙ୍କ ମଧ୍ୟରେ ଦ୍ବନ୍ଦ୍ବ ଦେଖିବାକୁ ମିଳିଛି ।
ପ୍ରକାଶ ଯେ ଆଜି ବିଜେଡିର ପ୍ରାର୍ଥୀ ତାଲିକା ଆସିବା ସମ୍ଭାବନା ରହିଛି ।
