ଦଳ ଯେଉଁ ସ୍ଥାନରେ ଚାହିଁବ ମୁଁ ସେଇଠି ଖେଳିବି: ରାହୁଲ
ଦଳ ଯେଉଁ ସ୍ଥାନରେ ଚାହିଁବ ମୁଁ ସେଇଠି ଖେଳିବି: ରାହୁଲ
admin
3724
ନୂଆଦିଲ୍ଲୀ: ଭାରତୀୟ ବିଶ୍ୱକପ ଦଳର ୪ନଂ ସ୍ଥାନରେ କିଏ ଖେଳିବ ତାହା ଏବେ ଜଣା ପଡି ନାହିଁ । ଅଲରାଉଣ୍ଡର ବିଜୟ ଶଙ୍କର ଏବଂ ଓପନର ଲୋକେଶ ରାହୁଲ ଏହି ୪ନଂ ସ୍ଥାନରେ ଖେଳିବା ନେଇ କଳ୍ପନା ଜଳ୍ପନା ଲାଗି ରହିଛି । ଏଭଳି ସ୍ଥଳେ ରାହୁଲ ନିଜ ବ୍ୟାଟିଂ ଅର୍ଡରକୁ ନେଇ ଭିନ୍ନ ମତ ଦେଇଛନ୍ତି । ସେ କହିଛନ୍ତି ଦଳ ଯେଉଁ ସ୍ଥାନରେ ଚାହିଁବ ମୁଁ ସେହି ସ୍ଥାନରେ ଖେଳିବି । ପୂର୍ବରୁ ଚୟନକର୍ତା ମଧ୍ୟ ଏନେଇ ସ୍ପଷ୍ଟ କରିଦେଇଛନ୍ତି । ମୁଁ ଭାରତୀୟ ଦଳର ଜଣେ ସଦସ୍ୟ ରହିଛି । ତେଣୁ ଦଳର ନିଷ୍ପତି ମୋର ନିଷ୍ପତି । ବିଶ୍ୱକପ ପୂର୍ବରୁ ଆଇପିଏଲ ଖେଳାଳି ଫର୍ମକୁ ଫେରିଛି । ବର୍ତମାନ ମୁଁ ଦୃଢ଼ ମନୋବଳରେ ରହିଛି । ମୋ ଦକ୍ଷତାରେ କୌଣସି ତ୍ରୁଟି ନାହିଁ । ଗତ ଅଷ୍ଟ୍ରେଲିଆ ଗ୍ରସ୍ତରେ ମୁଁ ଖରାପ ଫର୍ମରେ ଥିଲି । ଯାହାକି ମୋତେ ନିରାଶ କରିଥିଲା । ଏବେ ମୁଁ ବିଶ୍ୱକପରେ ଶ୍ରେଷ୍ଟ ପ୍ରଦର୍ଶନ ଦେବାକୁ ଲକ୍ଷ୍ୟ ରଖିଛି । ଆମ ଉପରେ ସମସ୍ତଙ୍କ ନଜର ରହିବ । ତେଣୁ ଚାପ ମୁକ୍ତ ହୋଇ ଖେଳିବି ବୋଲି ରାହୁଲ ପ୍ରକାଶ କରିଛନ୍ତି ।
