ଧାନ ସଂଗ୍ରହରେ ରେକର୍ଡ, ଖରିଫ, ରବିରେ ୬୭.୫୭ ଲକ୍ଷ ଟନ ସଂଗ୍ରହ ।
ଧାନ ସଂଗ୍ରହରେ ରେକର୍ଡ, ଖରିଫ, ରବିରେ ୬୭.୫୭ ଲକ୍ଷ ଟନ ସଂଗ୍ରହ ।
admin
2766
ଭୁବନେଶ୍ୱର : ଧାନ ସଂଗ୍ରହରେ ନୂଆ ରେକର୍ଡ କରିଛନ୍ତି ରାଜ୍ୟ ସରକାର । ୨୦୧୯-୨୦ ଖରିଫ ଓ ରବିରେ ଏ ଯାଏ ୬୭ ଲକ୍ଷ ୫୭ ହଜାର ମେଟ୍ରିକ ଟନ ଧାନ ସଂଗ୍ରହ ହୋଇଛି । ଗତବର୍ଷଠାରୁ ପ୍ରାୟ ୨ ଲକ୍ଷ ଟନ ଅଧିକ ଧାନ ସଂଗ୍ରହ ହୋଇଛି । ଅନଲାଇନରେ ଚାଷୀଙ୍କ ପଞ୍ଜୀକରଣ, ପି-ପାସ ଓ ଆଗୁଆ ଟୋକନ ପ୍ରଦାନ ଯୋଗୁଁ ଏ ସଫଳତା ମିଳିଛି ବୋଲି କହିଛନ୍ତି ଖାଦ୍ୟ ଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ।
ରବି ଧାନ ସଂଗ୍ରହ ପାଇଁ ୧୦ ଲକ୍ଷ ମେଟ୍ରିକ ଟନ୍ ଧାର୍ଯ୍ୟ ହୋଇଥିଲା ବେଳେ ଆଜି ଯାଏ ୧୪ ଲକ୍ଷ ୨୬ ହଜାର ଟନ୍ ସଂଗ୍ରହ ସରିଛି । ଗତବର୍ଷ ତୁଳନାରେ ଏହା ୩୨% ଅଧିକ । ଗତବର୍ଷ ସମୁଦାୟ ୧୩ ଲକ୍ଷ ୯୩ ହଜାର ୫୩୯ ଟନ ରବିଧାନ ସଂଗ୍ରହ ହୋଇଥିଲା । ଆସନ୍ତା ୩୦ ଯାଏ ରବିଧାନ ସଂଗ୍ରହ ଜାରି ରହିବ ।
ରାଜ୍ୟର ୧୭ ଜିଲ୍ଲାରେ ୧୦୬୮ ଧାନ ସଂଗ୍ରହ କେନ୍ଦ୍ର ମାଧ୍ୟମରେ ରବି ଧାନ ସଂଗ୍ରହ ଚାଲିଥିବା ବେଳେ ଏ ଯାଏ ୨ ଲକ୍ଷ ୫୭ ହଜାର ଚାଷୀ ନାମ ପଞ୍ଜୀକରଣ କରିଛନ୍ତି । ଚାଷୀଙ୍କ ଆକାଉଣ୍ଟକୁ ୨୦୯୩ କୋଟି ୫୨ ଲକ୍ଷ ଟଙ୍କା ଚାଷୀମାନଙ୍କ ଆକାଉଣ୍ଟକୁ ହସ୍ତାନ୍ତର କରାଯାଇଛି । ଉଲ୍ଲେଖଯୋଗ୍ୟ ୨୦୧୯-୨୦ ଖରିଫରେ ୫୦ ଲକ୍ଷ ଟନ ଧାନ ସଂଗ୍ରହ କରିବାକୁ ଲକ୍ଷ୍ୟ ଧାର୍ଯ୍ୟ ଥିଲା ବେଳେ ରେକର୍ଡ ପରିମାଣରେ ୫୩ ଲକ୍ଷ ୩୧ ହଜାର ୧୮୬ ଟନ୍ ସଂଗ୍ରହ ହୋଇଥିଲା । ଗତବର୍ଷ ତୁଳନାରେ ଏହି ସଂଗ୍ରହ ପରିମାଣ ୩ ପ୍ରତିଶତ ଅଧିକ ଥିଲା । ଗତବର୍ଷ ୫୧ ଲକ୍ଷ ୫୬ ହଜାର ୮୪୩ ମେଟ୍ରିକ ଟନ ଖରିଫ ଧାନ ସଂଗ୍ରହ ହୋଇଥିଲା । ରାଜ୍ୟ ସରକାରଙ୍କ ପ୍ରାଥମିକତାରୁ ଖରିଫ ଧାନ ସଂଗ୍ରହରେ ରାଜ୍ୟର କ୍ଷୁଦ୍ର ଓ ନାମମାତ୍ର ଚାଷୀଙ୍କ ଅଂଶଗ୍ରହଣ ୧୧% ବଢ଼ିଥିଲା ବେଳେ ଚାଷୀମାନଙ୍କ ଆକାଉଣ୍ଟକୁ ୯୬୭୬ କୋଟି ଟଙ୍କା ହସ୍ତାନ୍ତର କରାଯାଇଛି । ଗତ ଖରିଫ ଓ ରବିରେ ମୋଟ ୬୫.୫୦ ଲକ୍ଷ ମେଟ୍ରିନ ଟନ୍ ଧାନ ସଂଗ୍ରହ ହୋଇଥିଲା ।
