ନୂଆ ଦଳ ଗଢ଼ିବେ ଜଗନଙ୍କ ଭଉଣୀ ଶର୍ମିଳା

Feb 9, 2021 - 08:16 Updated: Feb 9, 2021 - 08:16

5854

ହାଇଦ୍ରାବାଦ: ୱାଇଏସଆର କଂଗ୍ରେସର ସଭାପତି ତଥା ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ୱାଇ.ଏସ.ଜଗନ ମୋହନ ରେଡ୍ଡୀଙ୍କ ଭଉଣୀ ୱାଇ.ଏସ.ଶର୍ମିଳା ତେଲଙ୍ଗାନାରେ ଖୁବଶୀଘ୍ର ଏକ ନୂଆ ଆଞ୍ଚଳିକ ଦଳ ଆରମ୍ଭ କରିବେ । ପ୍ରସଙ୍ଗ ସହ ଜଡ଼ିତ ଜଣେ ନେତାଙ୍କ ସୂତ୍ରରୁ ଏହା ଜଣାପଡ଼ିଛି । ତେଲଙ୍ଗାନାରେ ୱାଇଏସଆର କଂଗ୍ରେସର ଜଣେ ବରିଷ୍ଠ ନେତାଙ୍କ ମୁତାବକ ଶର୍ମିଳା ଗତ ମଙ୍ଗଳବାର ହାଇଦ୍ରାବାଦର ଲୋଟସ ପଣ୍ଡସ୍ଥିତ ନିଜ ବାସଭବନରେ ଏକ ବୈଠକ ଡାକିଥିଲେ । ଏଥିରେ ପାଖାପାଖି ୩୦ ରୁ ୩୫ ସହଯୋଗୀ ନେତା ସାମିଲ ହୋଇଥିଲେ । ନୂଆ ଦଳ ଗଠନ ଯୋଜନା ସଂକ୍ରାନ୍ତରେ ବୈଠକ ଆଲୋଚନା ହୋଇଛି । ଖୁବଶୀଘ୍ର ଶର୍ମିଳା ଏ ନେଇ ସ୍ପଷ୍ଟ କରିବେ ବୋଲି ଆଶା । ଉଲ୍ଲେଖଯୋଗ୍ୟ, ସୋମବାର ସକାଳୁ ସୋସିଆଲ ମିଡିଆରେ ଶର୍ମିଳାଙ୍କର ଏକ ଫଟୋ ଘୂରିବୁଲୁଥିଲା । ଏହି ଫଟୋରେ ତାଙ୍କୁ ପିତା ତଥା ଆନ୍ଧ୍ରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ୱାଇ.ଏସ ରାଜଶେଖର ରେଡ୍ଡୀଙ୍କ ସହ ଦେଖିବାକୁ ମିଳିଥିଲା । ୱାଇଏସଆରଙ୍କ ଅନୁଗାମୀମାନେ ଲୋଟସ ପଣ୍ଡ ବୈଠକରେ ଯୋଗଦେବାକୁ ଶର୍ମିଳା ଆହ୍ୱାନ ଦେଇଥିଲେ ।