ପ୍ରଥମେ ସ୍ୱାସ୍ଥ୍ୟକର୍ମୀଙ୍କୁ ଟିକା
ପ୍ରଥମେ ସ୍ୱାସ୍ଥ୍ୟକର୍ମୀଙ୍କୁ ଟିକା
admin
3212
ଭୁବନେଶ୍ୱର : ପ୍ରଥମେ ସ୍ୱାସ୍ଥ୍ୟକର୍ମୀଙ୍କୁ ଟିକା ପ୍ରଦାନ କରାଯିବ । ଏହା ବାଧ୍ୟତାମୂଳକ କରାଯାଇନାହିଁ । ଯେଉଁ ସ୍ୱାସ୍ଥ୍ୟକର୍ମୀମାନେ ଚାହିଁବେ ସେମାନେ ହିଁ ଟିକା ମିଳିବ । ତେବେ ପ୍ରଥମ ପର୍ଯ୍ୟାୟରେ ସ୍ୱାସ୍ଥ୍ୟକର୍ମୀଙ୍କ ପରିବାରକୁ ଟିକେଟ ପ୍ରଦାନ କରାଯାଇପାରିବ ନାହିଁ । ସ୍ୱାସ୍ଥ୍ୟ ବିଭାଗ ପକ୍ଷରୁ ଏନେଇ ସୂଚନା ଦିଆଯାଇଛି ।
ସୂଚନାଯୋଗ୍ୟଯେ, ଇତିମଧ୍ୟରେ ଭାରତ ସରକାର କୋଭାକ୍ସିନ ଓ କୋଭିସିଲଡ଼ ଟିକାକୁ ଅନୁମତି ଦିଆଯାଇଛି । ବିଶ୍ୱର ଅନ୍ୟ ଟିକା ଭଳି ଏହା ବି ବେଶ ଫଳପ୍ରଦ । ଏହାର ମଧ୍ୟ ରୋଗ ପ୍ରତିରୋଧକ ଶକ୍ତି ରହିଛି ବୋଲି ଏସସିବି ମେଡ଼ିକାଲ କଲେଜ ମୁଖ୍ୟ ପ୍ରଫେସର ଜୟନ୍ତ ପଣ୍ଡା ସୂଚନା ଦେଇଛନ୍ତି ।
ଟିକାକରଣ କିଭଳି କରାଯିବ ସେନେଇ ପୂର୍ବରୁ ଡ୍ରାଏ ରନ ଶେଷ ହୋଇସାରିଛି । ବିଭିନ୍ନ ପର୍ଯ୍ୟାୟରେ ଦେଶର ସବୁ ଜିଲ୍ଲାରେ ଡ୍ରାଏ ରନ କରାଯାଇଛି । ତେବେ କିଭଳି ଟିକାକରଣ କରାଯିବ ସେନେଇ ଡାକ୍ତର ପଣ୍ଡା ସୂଚନା ଦେଇଛନ୍ତି । ସେ କହିଛନ୍ତିଯେ, ଟିକା ପାଇଁ ପ୍ରଥମେ ପଞ୍ଜୀକରଣ କରିବାକୁ ପଡ଼ିବ । ପଞ୍ଜୀକରଣ କରିବା ପରେ ମୋବାଇଲକୁ ମେସେଜ ଆସିବ । କେଉଁ ଟୀକା କେନ୍ଦ୍ରରେ କେତେବେଳେ ଟିକା ନେବେ ସେନେଇ ସ୍ପଷ୍ଟ ସୂଚନା ମିଳିବ । ସେଠାରେ ନିଜର ଯେକୌଣସି ପରିଚୟ ପତ୍ର ପ୍ରଦାନ କରି ଟିକା ନିଆଯାଇପାରିବ । ଏହି ଟିକାର କେତେକ ପାଶ୍ୱର୍ ପ୍ରତିକ୍ରିୟା ରହିଛି । ଇଂଜେକ୍ସନ ନିଆଯିବା ସ୍ଥାନରେ ଫୁଲା ହେବା, ଜର ବା ମୁଣ୍ଡ ବୁଲେଇବା ଭଳି ପାଶ୍ୱର୍ ପ୍ରତିକ୍ରି୍ରୟା ରହିଛି । ସେଥିପାଇଁ ଟିକା ନେବା ପରେ ଟିକାକରଣ କେନ୍ଦ୍ରରେ ଅଧଘଂଟା ରହିବାକୁ ପଡ଼ିବ । ସେହିପରି ଯେଉଁମାନେ ଟିକା ନେବେ ସେମାନଙ୍କୁ ଏକ ପ୍ରମାଣ ପତ୍ର ପ୍ରଦାନ କରାଯିବ ବୋଲି ସେ ସୂଚନା ଦେଇଛନ୍ତି । ସ୍ୱାସ୍ଥ୍ୟକର୍ମୀଙ୍କ ପରେ ବୟସ୍କ ଓ ବିଭିନ୍ନ ରୋଗରେ ପୀଡ଼ିତ ଲୋକମାନଙ୍କୁ ଟିକା ଦିଆଯିବ ।
