ଭୁବନେଶ୍ୱରରେ ମହିଳା କି୍ରକେଟ ଲିଗ ୧୫ ରୁ

Jan 11, 2021 - 11:43 Updated: Jan 11, 2021 - 11:43

6524

କଟକ: ଓଡ଼ିଶା କି୍ରକେଟ ଲିଗ ପରେ ଓସିଏ ପକ୍ଷରୁ ଆସନ୍ତା ୧୫ ତାରିଖରୁ ମହିଳା କି୍ରକେଟ ଲିଗ ଆରମ୍ଭ ହେବାକୁ ଯାଉଛି । ଲିଗର ସମସ୍ତ ମ୍ୟାଚ ଭୁବନେଶ୍ୱରରେ କିଟ, ବିକାଶ ଓ ମୂଳା ପଡ଼ିଆରେ ଅନୁଷ୍ଠିତ ହେବ । ଏହି ଲିଗରେ ଓଡ଼ିଶା ରେଡ, ଓଡ଼ିଶଶ ପର୍ପଲ, ଓଡ଼ିଶା ଭାଓଲେଟ, ଓଡ଼ିଶା ଗ୍ରୀନ, ଓଡ଼ିଶା ୟେଲୋ ଏବଂ ଓଡ଼ିଶା ଅରେଞ୍ଜ ନାମରେ ୬ଟି ଦଳ ଅଂଶଗ୍ରହଣ କରିଥିଲେ । ୧୫ ତାରିଖରୁ ମ୍ୟାଚ ଆରମ୍ଭ ହୋଇ ୨୭ ତାରିଖରେ ଶେଷ ହେବ । ପ୍ରତ୍ୟେକ ଦିନ ତିନିଟ ଲେଖାଏଁ ମ୍ୟାଚ ଖେଳାଯିବ । ରାଉଣ୍ଡ ରବିନରେ ସବୁ ଦଳ ମ୍ୟାଚ ଖେଳିବା ପରେ ପଏଣ୍ଟ ଆଧାରରେ ବିଜେତା ଘୋଷଣା କରାଯିବ । ଏହି ପ୍ରତିଯୋଗିତା ପାଇଁ ମୋଟ ୯୦ ଜଣ ଖେଳାଳିଙ୍କୁ ୬ ଦଳ ମଧ୍ୟରେ ବାଣ୍ଟି ଦିଆଯାଇଛି । ସେମାନଙ୍କ ମଧ୍ୟରେ ୫୪ ଜଣ ରାଜ୍ୟକୁ ପ୍ରତିନିଧିତ୍ୱ କରିସାରିଥିବା ବେଳେ ଅନ୍ୟ ୩୬ ଜଣଙ୍କୁ ମହିଳା କି୍ରକେଟ ପ୍ରତିଭା ଅନ୍ୱେଷଣ କାର୍ଯ୍ୟକ୍ରମ ଜରିଆରେ ଚୟନ କରାଯାଇଛି ।