ରଜନୀକାନ୍ତଙ୍କୁ ଦାଦାସାହେବ ଫାଲକେ ଆୱାର୍ଡ

Apr 1, 2021 - 04:55 Updated: Apr 1, 2021 - 04:55

3646

ନୂଆଦିଲ୍ଲୀ: ଚଳିତ ବର୍ଷର ଦାଦାସାହେବ ଫାଲକେ ଆୱାର୍ଡ ସୁପରଷ୍ଟାର ରଜନୀକାନ୍ତଙ୍କୁ ମିଳିବ । କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର ପ୍ରେସମିଟରେ ଘୋଷଣା କରିଛନ୍ତି । ଚଳଚ୍ଚିତ୍ର ଜଗତକୁ ଜୀବନବ୍ୟାପୀ ଅବଦାନ ପାଇଁ ସମ୍ମାନିତ ହେବେ । ତାମିଲ ସୁପରଷ୍ଟାର ରଜନୀକାନ୍ତଙ୍କ ୫ ଦଶନ୍ଧିର ଫିଳ୍ମ କ୍ୟାରିଅର ରହିଛି । ଦାଦା ସାହେବ ଫାଲକେ ପୁରସ୍କାର ଭାରତୀୟ ସିନେମା ଜଗତର ସବୁଠୁ ପ୍ରତିଷ୍ଠିତ ପୁରସ୍କାର ଭାବେ ଜଣାଯାଏ। କରୋନା ମହାମାରୀ ଯୋଗୁ ଚଳିତ ଥର ସମସ୍ତ ପୁରସ୍କାର ଘୋଷଣା ବିଳମ୍ବରେ କରାଯାଇଛି। ନିକଟରେ ନ୍ୟାଶନାଲ ଆୱାର୍ଡ ନେଇ ମଧ୍ୟ ଘୋଷଣା କରାଯାଇଥିଲା। ରଜନୀକାନ୍ତ ତାଙ୍କ ଅଭିନୟ ଜୀବନ କନ୍ନଡ଼ ନାଟକରୁ ଆରମ୍ଭ କରିଥିଲେ। ରଜନୀକାନ୍ତଙ୍କ ଦୁର୍ୟ୍ୟୋଧନ ଚରିତ୍ର ପାଇଁ ସେ ଘରେ ଘରେ ଲୋକପ୍ରିୟ ହୋଇପାରିଥିଲେ। ୧୯୮୩ରେ ରଜନୀକାନ୍ତ ବଲିଉଡ୍‌ରେ ପ୍ରବେଶ କରିଥିଲେ। ତାଙ୍କର ପ୍ରଥମ ହିନ୍ଦୀ ଚଳଚ୍ଚିତ୍ର ଥିଲା ‘ଅନ୍ଧା କାନୁନ’। ଏହି ଚଳଚ୍ଚିତ୍ର ପରେ ରଜନୀକାନ୍ତ ଗୋଟିଏ ପରେ ଗୋଟିଏ ସଫଳତାର ସିଡି ଚଢ଼ିଥିଲେ। ଆଜି ସେ ଦକ୍ଷିଣ ଭାରତୀୟ ଚଳଚ୍ଚିତ୍ର ଇଣ୍ଡଷ୍ଟ୍ରୀର ସବୁଠୁ ବଡ଼ ଷ୍ଟାର।