ସପ୍ତାହରେ ସେସୁର ୩୪ କୋଟି ଆଦାୟ, ୧୦ ହଜାର ଲୋକଙ୍କ କଟିଲା ବିଦ୍ୟୁତ ସଂଯୋଗ
ସପ୍ତାହରେ ସେସୁର ୩୪ କୋଟି ଆଦାୟ, ୧୦ ହଜାର ଲୋକଙ୍କ କଟିଲା ବିଦ୍ୟୁତ ସଂଯୋଗ
admin
6699
ଭୁବନେଶ୍ୱର - ଲଗାତର ୭ ଦିନ ହେବ ସେସୁ ତରଫରୁ ବକେୟା ବିଲ୍ ରଖିଥିବା ଉପଭୋକ୍ତାଙ୍କ ବିଦ୍ୟୁତ ସଂଯୋଗ କଟାଯାଉଛି । ୭ ଦିନରେ ଚଢ଼ାଉରେ ସେସୁ କର୍ମଚାରୀ ୩୧.୫୧ କୋଟି ଆଦାୟ କରିଥିବା ବେଳେ ଭୟଭୀତ ହୋଇ ଅନଲାଇନରେ ଉପଭୋକ୍ତାମାନେ ୨ ଲକ୍ଷ ୩୨ ହଜାର ଟଙ୍କା ଜମା କରିଛନ୍ତି । ଫଳରେ ଗୋଟିଏ ସପ୍ତାହରେ ଆକାଉଣ୍ଟକୁ ୩୩ କୋଟି ୮୩ ଲକ୍ଷ ଟଙ୍କା ଆସିଛି ବୋଲି ସେସୁ ପକ୍ଷରୁ ଜାରି କରାଯାଇଥିବା ବିଜ୍ଞପ୍ତିରେ ସୂଚନା ଦିଆଯାଇଛି । ଅପରପକ୍ଷେ ବକେୟା ବିଲ୍ ଯୋଗୁଁ ଏ ପର୍ଯ୍ୟନ୍ତ ପାଖାପାଖି ୧୦ ହଜାର ୪୦୬ ଜଣଙ୍କ ବିଦୁ୍ୟତ କାଟ କରାଯାଇଥିବା ସେସୁ ଅଧିକାରୀ କହିଛନ୍ତି । ବୁଧବାର ୧୩୧୨ ଜଣଙ୍କର ବିଦୁ୍ୟତ କାଟ ହୋଇଥିବା ବେଳେ ୪ କୋଟି ୬ ଲକ୍ଷ ଟଙ୍କା ହୋଇଛି ।
