୪୦ ପ୍ରତିଯୋଗୀଙ୍କୁ ପଛରେ ପକାଇଲେ ସେମିଳିଗୁଡ଼ା ଝିଅ
୪୦ ପ୍ରତିଯୋଗୀଙ୍କୁ ପଛରେ ପକାଇଲେ ସେମିଳିଗୁଡ଼ା ଝିଅ
admin
4279
ଗୋଆରେ ଅନୁଷ୍ଠିତ ହୋଇଥିବା ମିସ୍ ଏଣ୍ଡ ମିସେସ୍ ସୁପର ମଡେଲ ବିୟୁଟି ପେଜେଣ୍ଟରେ ଅଂଶଗ୍ରହଣ କରି ସେମିଳିଗୁଡ଼ାର ଝିଅ ସୁପର ମଡେଲ ମୁକୁଟ ବିଜୟିନୀ ହୋଇଛନ୍ତି । ଏହି ଖବର ପ୍ରଚାରିତ ହେବା ପରେ ସେମିଳିଗୁଡ଼ା ସମେତ କୋରାପୁଟ ଜିଲ୍ଲାରେ ଖୁସିର ଲହରୀ ଖେଳିଯାଇଛି । ସହରର ପ୍ରତାପ ରାୟ ଓ ଗୀତାଞ୍ଜଳୀ ସେଠୀଙ୍କ ଝିଅ ସୁଶ୍ରୀ ପ୍ରଗତିକା ରାୟ ମିସ୍ ବର୍ଗର ସୁପର ମଡେଲ ମୁକୁଟ ପିନ୍ଧି ସେମିଳିଗୁଡ଼ା ସହର ପାଇଁ ଗୌରବ ଆଣିଦେଇଛନ୍ତି । ଏସମ୍ବଲ ଫେସନ ଏବଂ ସ୍ନେହା ଫିଲ୍ମ ଇଣ୍ଟରଟେନମେଣ୍ଟ ଦ୍ୱାରା ଅନୁଷ୍ଠିତ ଏହି ସୁନ୍ଦରୀ ପ୍ରତିଯୋଗିତାରେ ଭାରତର ବିଭିନ୍ନ ସ୍ଥାନରୁ ୪୦ ଜଣ ପ୍ରତିଯୋଗୀ ଅଂଶ ଗ୍ରହଣ କରିଥିଲେ । ସେଥିରୁ ୧୫ ଜଣଙ୍କୁ ସେମିଫାଇନାଲ ରାଉଣ୍ଡ ଓ ୫ ଜଣଙ୍କୁ ଫାଇନାଲ ରାଉଣ୍ଡରେ ନିଜ ପ୍ରତିଭା ପ୍ରଦର୍ଶନ ପାଇଁ ମନୋନୀତ କରାଯାଇଥିବା ଜଣାପଡ଼ିଛି । ଶେଷରେ ଫାଇନାଲ ରାଉଣ୍ଡରେ ସେମିଳିଗୁଡ଼ାର ପ୍ରଗତିକା ରାୟ ପ୍ରଥମ ସ୍ଥାନ ହାସଲ କରି ବିଜୟ ମୁକୁଟ ପିନ୍ଧିଥିଲେ । ସେମିଳିଗୁଡ଼ା ସ୍ଥିତ ଡିମାଉଣ୍ଟ ପବ୍ଲିକ ସ୍କୁଲରେ ଦଶମ ଶ୍ରେଣୀରେ ପାଠ ପଢ଼ୁଥିବା ପ୍ରଗତିକା ପୂର୍ବରୁ ପି୍ରନ୍ସେସ କୋରାପୁଟ, ପି୍ରନ୍ସ ଏଣ୍ଡ ପ୍ରିନ୍ସେସ କୋରାପୁଟ ମୁକୁଟ ହାସଲ କରିବାରେ ସକ୍ଷମ ହୋଇଛନ୍ତି । ବାପା ପ୍ରତାପ ରାୟ ଓ ମା’ଗୀତାଞ୍ଜଳୀ ସେଠୀଙ୍କ ଆଶୀର୍ବାଦ ଓ କେରିଜ ନିର୍ମାତା ସୁମନ ଖିଲୋଙ୍କ ଉତ୍ତମ ମାର୍ଗଦର୍ଶନ ମୋତେ ଏହି ମୁକୁଟ ପିନ୍ଧିବାରେ ସଫଳ ହୋଇପାରିଛି ବୋଲି ପ୍ରଗତିକା ନିଜ ପ୍ରତିକି୍ରୟାରେ କହିଛନ୍ତି ।
