୫ ଚୋର ଗିରଫ
୫ ଚୋର ଗିରଫ
admin
3041
ପାରାଦୀପ: :ଲକ୍ଷ୍ମୀନାରାୟଣ ସାହୁ: ପାରାଦୀପ ବନ୍ଦରରୁ ଲୁହା ଚୋରି କରି ବିକ୍ରି କରିବା ପାଇଁ ନେଉଥିବା ପାଞ୍ଚ ଜଣ ଯୁବକଙ୍କୁ ପାରାଦୀପ ଆଦର୍ଶ ଥାନା ପୁଲିସ ଗିରଫ କରିଛି । ସେମାନେ ହେଲେ କେନ୍ଦ୍ରାପଡ଼ା ଜିଲ୍ଲା ମହାକଳାପଡ଼ା ଥାନା ବଉଳକାଣି ଗାଁର ବାପୁନା ସିଂ, ବିପ୍ଲବ ଦାସ, ତୋଫାନ ଦାସ, କେନ୍ଦୁଝର ଉଖୁଣ୍ଡା ଅଞ୍ଚଳର ମନୋଜ ମହାରଣା ଓରଫ ଏଣ୍ଡୁଅ, ପୁରୀ ଅଞ୍ଚଳର ନିରୋଦ ରଂଜନ ହାତୀ ଓରଫ ପପୁନି । ଏମାନେ ସମସ୍ତେ ସ୍ଥାନୀୟ ମୁଣ୍ଡାପଡ଼ା ବସ୍ତିରେ ରୁହନ୍ତି । ଏମାନେ ଗତକାଲି ବନ୍ଦର ମଧ୍ୟରୁ ବହୁ ପରିମାଣରେ ଲୁହା ଚୋରି କରି ଏହାକୁ ବିକ୍ରି କରିବା ପାଇଁ ନେଉଥିଲେ । ଏହି ସମୟରେ ପାଟ୍ରୋଲିଂରେ ଥିବା ସବ୍ଇନ୍ସପେକ୍ଟର ଏ ଟୁଡୁ ଏମାନଙ୍କୁ ଅଟକାଇ ଥାନାକୁ ଆଣି ପଚରାଉଚରା କରିଥିଲେ । ପରେ ସମସ୍ତେ ଏହି ଲୁହା ଚୋରି କରିଥିବା ସ୍ୱୀକାର କରିଥିଲେ । ଏହି ଚୋରା ଲୁହାର ମୂଲ୍ୟ ୧୦ ହଜାର ଟଙ୍କାରୁ ଅଧିକ ହେବ ବୋଲି ଜଣାପଡ଼ିଛି ।
