ୱିଙ୍ଗ କମାଣ୍ଡର ଅଭିନନ୍ଦନ ବର୍ତମାନଙ୍କୁ ‘ବୀରଚକ୍ର’

Aug 14, 2019 - 09:44 Updated: Aug 14, 2019 - 09:44

3105

ନୂଆଦିଲ୍ଲୀ : ୱିଙ୍ଗ କମାଣ୍ଡର ଅଭିନନ୍ଦନ ବର୍ତମାନଙ୍କୁ ‘ବୀରଚକ୍ର’ ମେଡ଼ାଲ ପ୍ରଦାନ କରାଯିବ । ବାଲାକୋଟ ଷ୍ଟ୍ରାଇକର ଦିନକ ପରେ ପାକିସ୍ତାନର ଏଫ-୧୬ ବିମାନକୁ ଗୁଳିମାଡ଼ କରି ସେ ଖସାଇ ଦେଇଥିଲେ । ସେହିପରି ଆତଙ୍କବାଦୀ ସହ ଏନକାଉଂଟର ବେଳେ ସହିଦ ହୋଇଥିବା ସାପର ପ୍ରକାଶ ଯାଦବ ଓ ସିଆରପିଏଫ ଡେପୁଟି କମାଣ୍ଡାଂଟ ହର୍ସପାଲ ସିଂହଙ୍କୁ କୀର୍ତି ଚକ୍ର ପ୍ରଦାନ କରାଯିବ । ସେହିପରି ଅନ୍ୟ ୧୪ ଜଣଙ୍କୁ ଶୌର୍ଯ୍ୟ ଚକ୍ର ପ୍ରଦାନ କରାଯିବ । ଶାନ୍ତି ଯୁଦ୍ଧ ଚାଲିନଥିବା ସମୟରେ ଉଲ୍ଳେଖନୀୟ ପ୍ରଦର୍ଶନ କରିଥିବା ଯବାନମାନଙ୍କୁ ଅଶୋକ ଚକ୍ର ପରେ କୀର୍ତି ଚକ୍ର ଓ ଶୌର୍ଯ୍ୟ ଚକ୍ର ଭଳି ପୁରସ୍କାର ପ୍ରଦାନ କରାଯାଇଥାଏ । ସେହିପରି ଯୁଦ୍ଧ ବେଳେ ଉଲ୍ଲେଖନୀୟ ପ୍ରଦର୍ଶନ କରିଥିବା ଯବାନଙ୍କୁ ମହାବୀର ଚକ୍ର, ପରମବୀର ଚକ୍ର ଓ ବୀର ଚକ୍ର ଭଳି ସମ୍ମାନ ପ୍ରଦାନ କରାଯାଇଥାଏ ।